Rain Alert : शेतकऱ्यांसाठी दिलासादायक बातमी! पुढील 72 तासांत पावसाचा जोर वाढणार; 5 जिल्ह्यांना यलो अलर्ट
Rain Alert : गेल्या काही दिवसांपासून दडी मारलेल्या पावसाच्या पार्श्वभूमीवर पूर्व विदर्भातील शेतकऱ्यांसाठी दिलासादायक बातमी आली आहे.
Rain Alert : राज्यात गेल्या काही दिवसांपासून पावसाने काहीशी ओढ दिली असली, तरी आता पूर्व विदर्भातील शेतकऱ्यांसाठी दिलासादायक अंदाज समोर आला आहे. पुढील 72 तासांत पूर्व विदर्भातील काही जिल्ह्यांमध्ये पावसाच्या सरी बरसण्याची शक्यता हवामान विभागाने वर्तवली आहे. (Rain Alert)
या 5 जिल्ह्यांना यलो अलर्ट
हवामान विभागाच्या अंदाजानुसार गोंदिया, भंडारा, गडचिरोली, चंद्रपूर आणि नागपूर या जिल्ह्यांना पुढील 72 तासांसाठी पावसाचा यलो अलर्ट देण्यात आला आहे. काही ठिकाणी चांगला पाऊस, तर काही भागांत हलक्या ते मध्यम सरी पडण्याची शक्यता आहे. (Rain Alert)
बंगालच्या उपसागरातील प्रणालीचा परिणाम
नागपूर हवामान विभागाच्या माहितीनुसार, बंगालच्या उपसागरात हवामान प्रणाली तयार झाली असून तिचा परिणाम पूर्व विदर्भाच्या हवामानावर होण्याची शक्यता आहे. त्यामुळे या भागातील पावसाला काही प्रमाणात चालना मिळू शकते. मात्र, ऑगस्ट महिन्यात विदर्भात पावसाची मोठी तूट निर्माण झाल्याने आगामी पाऊस शेतकऱ्यांसाठी अत्यंत महत्त्वाचा ठरणार आहे. (Rain Alert)
राज्यातील इतर भागात काय स्थिती?
राज्यातील अनेक जिल्ह्यांमध्ये ऑगस्टमध्ये अपेक्षेपेक्षा कमी पाऊस झाला आहे. काही भागांत पावसाची तूट 50 टक्क्यांपेक्षा अधिक असल्याचे सांगितले जात आहे. त्यामुळे शेतीवरही त्याचा परिणाम जाणवत आहे. (Rain Alert)
पुढील तीन दिवसांत विदर्भातील तुरळक भागांत पावसाची शक्यता असली, तरी त्यानंतर राज्यातील पावसाचे प्रमाण पुन्हा कमी होण्याची शक्यता हवामान तज्ज्ञांनी व्यक्त केली आहे. (Rain Alert)
पुण्याच्या घाटमाथ्यावर मुसळधार पाऊस?
पुणे जिल्ह्यातील घाटमाथ्यावर पुढील दोन दिवस मुसळधार पावसाची शक्यता असून या भागासाठी यलो अलर्ट जारी करण्यात आला आहे. त्यामुळे नागरिकांनी आणि प्रवाशांनी हवामानाचा अंदाज घेऊनच प्रवास करण्याचे आवाहन करण्यात आले आहे. दरम्यान, मराठवाड्यातील काही भागांत हलका ते मध्यम पाऊस पडण्याची शक्यता आहे. (Rain Alert)
सप्टेंबरमध्ये पुन्हा चिंता वाढणार?
ऑगस्टमध्ये पावसाने ओढ दिल्यानंतर सप्टेंबरमध्येही पावसाचे प्रमाण कमी राहण्याची शक्यता काही हवामान तज्ज्ञांनी व्यक्त केली आहे. त्यामुळे पूर्व विदर्भातील पाच जिल्ह्यांना पुढील 72 तासांचा यलो अलर्ट असला, तरी मराठवाडा आणि विदर्भातील अनेक भागांतील पावसाची तूट शेतकऱ्यांसाठी चिंतेचा विषय कायम आहे. (Rain Alert)
