Operation Tiger :  ठाकरे गटातील 6 फुटीर खासदारांनी अखेर सोमवारी (22 जून 2026) अधिकृतरित्या एकनाथ शिंदेंच्या शिवसेनेत प्रवेश केला. यशवंतराव चव्हाण सेंटर येथे झालेल्या कार्यक्रमात ओमराजे निंबाळकर, संजय जाधव, संजय देशमुख, संजय दिना पाटील, नागेश पाटील आष्टीकर आणि भाऊसाहेब वाकचौरे यांनी शिंदेंच्या शिवसेनेचा झेंडा हाती घेत सत्तेसोबत जाण्याचा निर्णय घेतला. यानंतर अखेर ‘ऑपरेशन टायगर’ यशस्वी झाल्याचे शिंदेंकडून जाहीर करण्यात आले.

पक्षप्रवेशानंतर प्रसारमाध्यमांशी बोलताना खासदार संजय दिना पाटील यांनी ठाकरे गटाच्या नेत्यांना ‘ऑपरेशन तुडवा’ वरुन इशारा दिला.

‘माझ्या नादाला लागाल तर हॉस्पिटलमध्ये जाल नाहीतर स्मशानात जाल’

संजय दिना पाटील म्हणाले, “माझं ठाकरे गटाच्या कार्यकर्त्यांशी कोणतंही वैर नाही, त्यांच्यामुळे मी खासदार झालो आहे. पण कोणी माझ्या कुटुंबाकडे आणि माझ्याकडे वाकड्या नजरेने पाहिलं तर त्यांनी स्वत:चा मेडिक्लेम आणि लाईफ इन्शुरन्स काढून ठेवावा. माझ्या नादाला लागाल तर तुम्ही हॉस्पिटलमध्ये जाल नाहीतर स्मशानात जाल,” असा थेट इशाराच त्यांनी दिला.

मला पोलीस संरक्षण नको ही माझी विनंती आहे. पोलीस माझ्यासोबत असतील तर मी त्यांना कसा मारु शकतो, पोलीस मला अडवतील.मला त्यांच्यापासून भीती नाही, माझ्यापासून त्यांना भीती आहे. पोलीस नसले तरी आमच्याकडे सगळ्या गोष्टी असतात,” असे संजय दिना पाटील यांनी म्हटले.

‘उद्धव ठाकरे-आदित्य ठाकरे चांगलं वागले’

यावेळी संजय दिना पाटील यांनी ठाकरे गटातील एका नेत्यामुळेच पक्षाची साथ सोडत असल्याचे सांगितले. मात्र त्या व्यक्तीचे थेट नाव घेण त्यांनी टाळले. “शिवसेनेत उद्धव ठाकरे आणि आदित्य ठाकरे माझ्याशी चांगलं वागले, त्यांनी नेहमीच सहकार्य केलं. माझा त्यांच्याशी कोणताही वाद नाही. फक्त एक नेता आहे, त्यांच्याशी आम्हाला प्रॉब्लेम होता. Operation Tiger

मी राष्ट्रवादी काँग्रेसमध्ये होतो तेव्हा राष्ट्रवादीचा मुंबईत फारसा प्रभाव नव्हता. मी ठाकरे गटात माझ्या कार्यकर्त्यांसाठी प्रवेश केला, हे मी उद्धव ठाकरे यांनाही सांगितले होते. पण एका नेत्याने माझ्या एकाही समर्थकाला पदाधिकारी होऊ दिले नाही. माझ्या 40 शाखा प्रमुखांपैकी एकालाही निवडणुकीत तिकीट मिळाले नाही. हा नेता माझ्या माणसांची कामं होऊ देत नसे, त्यांचा अपमान करायचा. खासदार झाल्यावर परिस्थिती बदलेल, असे वाटलं पण तसं झालं नाही,” असे संजय दिना पाटील यांनी म्हटले.

‘तो लोकांना सर्वांसमोर शिव्या देतो’

पुढे ते म्हणाले, “या व्यक्तीने माझ्या घरासमोर येऊन शिव्या दिल्या. त्याने घरासमोर येऊन माफी मागितली तर मी मातोश्रीवर यायला तयार आहे, असे मी उद्धव ठाकरेंना सांगितले होते. मी विभागप्रमुख म्हणून त्याला खूप आदर दिला. आमच्या नादाला लागाल तर घरात घुसून मारु. तुम्ही कितीही सुरक्षाव्यवस्था ठेवा, मी बॉम्ब टाकेन. त्याची कुत्र्यासारखी अवस्था आहे, तो लोकांना सर्वांसमोर शिव्या देतो. मला चार लोकांसमोर शिव्या द्यायची त्याची हिंमत नाही. दादा लोकांच्या जीवावर वाघ बनणं सोडून द्या,” असा इशारा संजय दिना पाटील यांनी दिला. Operation Tiger

हेही वाचा: 

Omraje Nimbalkar post : “पक्ष बदलला असला तरी….”; हाती धनुष्यबाण घेतल्यानंतर ओमराजेंची पहिली पोस्ट