Rhiya Ahir : दिल्लीतील जंतर मंतरवर सुरू असलेल्या नीट परीक्षेतील कथित पेपरफुटीविरोधातील आंदोलनाची धग आता देशभर पोहोचताना दिसत आहे. केंद्रीय शिक्षणमंत्री धर्मेंद्र प्रधान यांच्या राजीनाम्याची मागणी करत सुरू असलेल्या या आंदोलनादरम्यान मुंबईतील एक व्हिडीओ सध्या सोशल मीडियावर तुफान व्हायरल होत आहे.

या व्हिडीओमध्ये एक तरुणी चक्क एका हाताने पोलिसांची व्हॅन रोखून धरताना दिसत आहे. तिच्या या धाडसाचे देशभरातून कौतुक होत असून, अनेकांनी या घटनेतून ‘कॉकरोच जनता पार्टी’च्या आंदोलनाची ताकद दिसून येत असल्याचे म्हटले आहे.  (Rhiya Ahir)

हा व्हायरल व्हिडीओ मुंबईतील दादर परिसरातील शिवाजी पार्क येथील असल्याचे सांगितले जात आहे. मुंबईत मुसळधार पाऊस सुरू असतानाही नीट परीक्षेतील कथित गैरव्यवहार आणि पेपरफुटीच्या मुद्द्यावर आंदोलक मोठ्या संख्येने एकत्र आले होते.  (Rhiya Ahir)

यावेळी पोलिसांनी काही आंदोलकांना ताब्यात घेतले. त्याचवेळी रिया अहीर नावाची तरुणी हुडी आणि कॅप घालून थेट पोलिसांच्या व्हॅनसमोर जाऊन उभी राहिली. व्हायरल व्हिडीओमध्ये रिया यादव पोलिसांच्या व्हॅनला पुढे जाण्यापासून रोखताना दिसत आहे.  (Rhiya Ahir)

 

View this post on Instagram

 

A post shared by ʀʜɪʏᴀ ᴇᴋᴏᴜꜱɪʏᴀ (@rhiyaahir)

विशेष म्हणजे, एका हाताने तिने व्हॅनला धरून ठेवले असून, दुसऱ्या हातात तिचा मोबाईलही दिसत आहे. काही काळ ती पोलिसांची व्हॅन पुढे जाऊ देत नाही. त्यामुळे पोलिसांच्या ताब्यात असलेल्या काही आंदोलकांना बाहेर पडण्यासाठी वेळ मिळाल्याचे सांगितले जात आहे. (Rhiya Ahir)

हे देखील वाचा : Who is Rhiya Ahir : कॉकरोचसाठी पोलिसांना एकटीच नडली ! ‘रिया अहीर’ नेमकी कोण आहे? वाचा….

रिया अहीर नेमकी कोण आहे?  (Rhiya Ahir)

रिया अहीरने आपल्या इंस्टाग्राम प्रोफाइलवर स्वतःला मॉडेल आणि अभिनेत्री म्हणून नमूद केले आहे. तिचे इंस्टाग्रामवर जवळपास १ लाख फॉलोअर्स आहेत. ती ‘दिलबरा’ या प्रसिद्ध म्युझिक व्हिडिओमध्ये झळकली आहे. ती हाताने तयार केलेल्या कपड्यांचा व्यवसाय करते आणि ‘रियासत’ नावाचा स्वतःचा फॅशन ब्रँड चालवते.

 

View this post on Instagram

 

A post shared by ʀʜɪʏᴀ ᴇᴋᴏᴜꜱɪʏᴀ (@rhiyaahir)

मात्र, आंदोलनादरम्यान काय घडलं? तिने पोलिसांची व्हॅन का अडवली, या सर्व प्रश्नांची उत्तरं स्वतः रियाने दिली आहेत.  प्रसारमाध्यमांशी संवाद साधताना रिया म्हणाली,  “मी माझ्या मित्रांची वाट पाहात होते. मला यावेळी दुरून आझादीचे नारे ऐकायला येत होते.

आपल्याला स्वातंत्र्य तर अगोदरच मिळालेलं आहे. पण आपल्यासोबत जे चुकीचं घडतंय, अत्याचाराविरोधात आवाज उठवणं फार गरजेचं आहे. माझ्या मित्रांना उशीर होत होता. एक तर मुंबईत पार्किंची अडचण आहे. त्यामुळे अर्धे आंदोलन संपलेले होते. त्यामुळे मला वेळ वाया घालवायचा नव्हता,” असं तिनं सांगितलं.

तसेच, पुढे बोलताना, मी एकटीच होते. माझ्यासोबत माझे मित्र नव्हते. मला इन्स्टाग्रामवरूनच लोक आम्ही पण आंदोलनात यावं का, असं विचारत होते. मी त्या सगळ्यांनाच या म्हणत होते. सरकारकडे सत्ता आहे. ते आपल्याला घाबरवण्याचा प्रयत्न करत होते. परंतु आपण आपल्या हक्कांसाठी लढा दिला पाहिजे. मला अगोदर भीती वाटली होती, असंही तिने बोलून दाखवलं.

मला शहीद व्हायला आवडेल :

“मी तेव्हा जिथे उभी होते तेव्हा ते मला घाबरवण्याचा प्रयत्न करत होते. पोलीस गाडी हळूहळू चालवत होते. मी करेंगे या मरेंगे असं ठरवलं. गाडी माझ्या अंगावरून गेली असती तरीही मला त्याची पर्वा नव्हती. मी शहीद झाले असते. मला पीडित नागरिक म्हणून जगण्यापेक्षा मला शहीद व्हायला नेहमी आवडेल,” असं देखील ती यावेळी म्हणाली.