ICC T20I Team Rankings England Replaces India As World No 1 After 3-0 Win Over Sri Lanka : आंतरराष्ट्रीय क्रिकेट परिषदेच्या (ICC) ताज्या टी-२० आंतरराष्ट्रीय संघ क्रमवारीत भारतीय क्रिकेट संघाला मोठा धक्का बसला आहे. भारताने नुकतीच मायदेशात अफगाणिस्तानविरुद्धची टी-२० मालिका ३-० अशी एकतर्फी जिंकली होती; मात्र तरीही भारताने आपले अव्वल स्थान गमावले आहे. इंग्लंडने घरच्या मैदानावरील तीन सामन्यांच्या टी-२० मालिकेत श्रीलंकेचा ३-० असा दणदणीत पराभव करत भारताला मागे टाकले आणि थेट क्रमवारीत अव्वल स्थानावर झेप घेतली.

ओल्ड ट्रॅफर्डवर श्रीलंकेचा धुव्वा; इंग्लंडचा सलग १५ वा विजय!

मँचेस्टर येथील ओल्ड ट्रॅफर्ड मैदानावर खेळल्या गेलेल्या तिसऱ्या आणि अखेरच्या टी-२० सामन्यात इंग्लंडने श्रीलंकेचा ८ गडी राखून धुव्वा उडवला. प्रथम फलंदाजी करताना श्रीलंकेचा संपूर्ण संघ अवघ्या १२४ धावांत गारद झाला. प्रत्युत्तरात सलामीवीर जोस बटलरने ३२ चेंडूंत नाबाद ६२ धावांची वादळी खेळी साकारत इंग्लंडला अवघ्या ९.४ षटकांत विजय मिळवून दिला. श्रीलंकेविरुद्ध टी-२० क्रिकेटमधील इंग्लंडचा हा सलग १५ वा विजय ठरला आहे.

दोन्ही संघांचे रेटिंग समान; तरीही इंग्लंडने मारली बाजी!

A convincing win wraps up a T20I series sweep for England against Sri Lanka 💥

📝: https://t.co/ntApmvDNk3 pic.twitter.com/XfNCUcnihb

— ICC (@ICC) September 19, 2026

या निकालानंतर भारत आणि इंग्लंड या दोन्ही बलाढ्य संघांचे रेटिंग पॉईंट्स २६९ असे अगदी समान आहेत. मात्र, आयसीसीच्या गुणांच्या दशांश नियमानुसार इंग्लंडने अव्वल स्थान पटकावले. भारताचे ६४ सामन्यांत १७,२०१ पॉईंट्स आहेत, तर इंग्लंडचे ४१ सामन्यांत ११,०२१ पॉईंट्स आहेत. भारताच्या तुलनेत कमी सामने खेळल्यामुळे दशांश सरासरीत इंग्लंड वरचढ ठरला आणि भारताला दुसऱ्या क्रमांकावर घसरावे लागले.

हेही  वाचा – India Beat Indonesia : भारतीय पुरुष हॉकी संघाने इंडोनेशियाचा १३-१ ने उडवला धुव्वा! दिलप्रीत सिंगने डागले सर्वाधिक गोल

हॅरी ब्रूक ‘प्लेअर ऑफ द सिरीज’; २०२६ मधील दुसरा धक्का!

मालिकेत उत्कृष्ट नेतृत्व आणि कामगिरी करणाऱ्या इंग्लंडचा कर्णधार हॅरी ब्रूकला ‘प्लेअर ऑफ द सिरीज’ पुरस्काराने गौरवण्यात आले. विशेष म्हणजे, २०२६ या वर्षात इंग्लंडने भारताकडून टी-२० क्रमवारीतील पहिले स्थान हिसकावून घेण्याची ही दुसरी वेळ ठरली आहे.