ICC Women’s Rankings 2024 : – ऑस्ट्रेलिया व वेस्ट इंडिज संघाविरुद्धाच्या दमदार कामगिरीने भारताची उपकर्णधार स्मृती मंधानाला मंगळवारी जाहीर करण्यात आलेल्या एकदिवसीय क्रमवारीत ३ स्थानांचा फायदा झाला असून ती क्रमवारीत दुसऱ्या स्थानावर आली आहे. स्मृतीला टी-२० क्रमवारीत देखील फायदा झाला आहे. टी-२० क्रमवारीत ती आता तिसऱ्या क्रमांकावर स्थिरावली आहे. एकदिवसीय क्रमवारीत दक्षिण आफ्रिकेची लॉरा वोल्वार्ड तर टी-२० क्रमवारीत ऑस्ट्रेलियाची बेथ मुनीने अव्वल स्थान राखले आहे.

डावखुऱ्या स्मृतीने पर्थ कसोटीमध्ये ऑस्ट्रेलियाविरुद्धच्या अंतिम सामन्यात १०५ धावांची दमदार खेळी केली होती. मात्र ही मालिका भारताला ३-० अशी गमवावी लागली होती. त्यानंतर वेस्ट इंडिजविरुद्ध मुंबई येथे झालेल्या पहिल्या टी-२० लढतीत तिने ५४ धावांची खेळी करताना भारतीय संघाच्या विजयात मोलाचा वाटा उचलला होता. एकदिवसीय फलंदाजाच्या क्रमवारीत स्मृती मंधाना एकमेव फलंदाज आहे.

Gabba Test 2024 : बुमराह-आकाशदीप जोडीनं रचला इतिहास, भारतासाठी सर्वात मोठ्या भागीदारीचा केला विक्रम..

एकदिवसीय क्रमवारीत कर्णधार हरमनप्रीत कौर दोन स्थानांनी गॅसरल्यानंतर १३ व्या स्थानावर स्थिरावली आहे. हरलीन देओल ६४ व्या स्थानावर आहे. गोलंदाजी क्रमवारीत दीप्ती शर्मा दोन स्थानांनी घसरली असून ती आता पाचव्या स्थानावर आहे. भारतीय वेगवान गोलंदाज अरुंधती रेड्डी हिने 48 स्थानांनी झेप घेत ५१ व्या स्थानावर पोहोचली असून रेणुकासिंग ठाकूर संयुक्तरित्या २६ व्या स्थानावर पोहचली आहे.