India Women Win against Zimbabwe in 1st T20I : भारतीय महिला क्रिकेट संघाने झिम्बाब्वेविरुद्धच्या पहिल्या टी-२० सामन्यात ४ गडी राखून विजय मिळवला. या सामन्यात नव्याने पूर्णवेळ कर्णधारपद स्वीकारलेल्या स्मृती मानधनाच्या नेतृत्वाखालील भारतीय संघाची सुरुवात अत्यंत निराशाजनक झाली. अवघ्या १९ धावांवर भारताचे आघाडीचे चारही फलंदाज तंबूत परतल्याने संघ मोठ्या संकटात सापडला होता. मात्र, मधल्या फळीत दीप्ती शर्मा आणि निक्की प्रसाद यांनी संयमी अर्धशतकीय भागीदारी रचत भारताला १५.४ षटकांत ६ बाद ११६ धावांसह विजय मिळवून दिला. यासह तीन सामन्यांच्या मालिकेत १-० अशी आघाडी घेतली.

अवघ्या १९ धावांवर टॉप ४ फलंदाज बाद; मानधना आणि हरमनप्रीत फेल

विजयासाठी आवश्यक असलेल्या ११५ धावांचा पाठलाग करताना भारतीय फलंदाजी ढेपाळली. कर्णधार स्मृती मानधना ९, अनुष्का शर्मा ४, हरमनप्रीत कौर अवघी १ आणि शफाली वर्मा ४ धावा करून बाद झाल्या. झिम्बाब्वेची वेगवान गोलंदाज न्याशा ग्वान्जुराने सुरुवातीच्या षटकांत भेदक मारा करत भारताचे तीन विकेट्स टिपले आणि आघाडीची फळी उद्ध्वस्त केली. त्यामुळे भारतीय संघ पराभवाच्या छायेत अडकल्याचे चित्र निर्माण झाले होते.

दीप्ती शर्मा आणि निक्की प्रसादची मॅचविनिंग भागीदारी –

Niki Prasad with the winning runs on debut ✅

#TeamIndia win by 4⃣ wickets to take a 1⃣-0⃣ lead in the #INDvZIM T20I series 🙌

Scorecard▶️ https://t.co/ZebQdoQIRo

@mflone_ https://t.co/Gfgq6Rq5No

— BCCI Women (@BCCIWomen) October 16, 2026

संकटात सापडलेल्या भारतीय डावाला दीप्ती शर्मा आणि निक्की प्रसाद यांनी सावरले. दोघांनी शांत डोक्याने फलंदाजी करत शतकी टप्प्याकडे वाटचाल केली. दीप्ती शर्माने ३७ चेंडूंत ८ चौकारांच्या मदतीने महत्त्वपूर्ण ४९ धावांची खेळी साकारली. दुसऱ्या बाजूने निक्की प्रसादने ३५ चेंडूंत नाबाद ३९ धावांचे मोलाचे योगदान दिले. अखेरीस रिचा घोषने ५ चेंडूंत एका षटकारासह नाबाद ७ धावा फटकावून भारताचा विजय सुकर केला.

केलिस एंडलोहवूची ४२ धावांची झुंज; भारतीय गोलंदाजांचा टिच्चून मारा

Absorbed the pressure 🧘‍♀️
Delivered a clutch show 😎

How good was that knock from Deepti Sharma? 💙

Scorecard ▶️ https://t.co/ZebQdoQIRo

#TeamIndia | #INDvZIM | @mflone_ | @Deepti_Sharma06 https://t.co/naTT8Co1MV

— BCCI Women (@BCCIWomen) October 16, 2026

तत्पूर्वी प्रथम फलंदाजी करणाऱ्या झिम्बाब्वेच्या संघाला भारतीय गोलंदाजांनी २० षटकांत ५ बाद अवघ्या ११४ धावांवर रोखले. सलामीवीर केलिस एंडलोहवूने ४४ चेंडूंत ४२ धावांची झुंज दिली. मात्र दहा षटकांत १ बाद ६० धावांवर पोहोचल्यानंतर भारतीय फिरकीपटूंनी तिच्या धावांना वेसण घातली. शेवटी अरुंधती रेड्डीने तिला त्रिफळाचीत केले. डावाच्या अखेरच्या टप्प्यात शार्ने मेयर्सने ३३ चेंडूंत नाबाद ४३ धावांची खेळी करून संघाला सन्मानजनक धावसंख्या गाठून दिली.

हेही वाचा – India Split Squad : न्यूझीलंडविरुद्धच्या वनडे मालिकेसाठी दोन वेगवेगळे भारतीय संघ जाहीर; गिल-अय्यर कर्णधार अन् किशन उपकर्णधार

संथ फलंदाजीमुळे झिम्बाब्वेचा डाव अडखळला; भारतीय गोलंदाजांची प्रभावी कामगिरी

झिम्बाब्वेची सुरुवात अडखळती झाली होती; क्रांती गौडने पहिल्याच षटकात बिलव्हड बिजाला बाद केले. त्यानंतर एंडलोहवू आणि मुपाचिकवा यांच्यात ५३ धावांची भागीदारी झाली खरी, पण मुपाचिकवाने २६ चेंडूंत केवळ १६ धावा केल्या. श्री चरणीने मुपाचिकवाला बाद करत ही जोडी फोडली. झिम्बाब्वेच्या फलंदाजांनी अत्यंत संथ खेळ करत अनेक चेंडू निर्धाव घालवले, ज्याचा फायदा उठवत भारतीय गोलंदाजांनी अखेरच्या षटकांत सामन्यावर मजबूत पकड मिळवली.