ICC announced major rule changes : आयसीसीने रविवार, ३१ मे रोजी अहमदाबादमध्ये झालेल्या आयपीएल २०२६ च्या अंतिम सामन्यादरम्यान अनेक महत्त्वाच्या बैठका घेतल्या. या बैठका संपल्यानंतर सोमवारी आयसीसीने क्रिकेट जगतासाठी अनेक क्रांतिकारी आणि महत्त्वपूर्ण बदलांची घोषणा केली आहे. क्रिकेटचे प्रशासन मजबूत करणे, महिला क्रिकेटला चालना देणे आणि आंतरराष्ट्रीय स्पर्धा अधिक दर्जेदार बनवणे हा या निर्णयांचा मुख्य उद्देश आहे.

क्रिकेट खेळण्याच्या नियमांत झाले ६ मोठे बदल –

• पिंक बॉलचा ट्रायल: कसोटी सामन्यांमध्ये खराब प्रकाशाच्या समस्येवर मात करण्यासाठी पिंक बॉलचा वापर करण्याचा निर्णय घेण्यात आला आहे. मात्र, यासाठी मालिका सुरू होण्यापूर्वी दोन्ही संघांची सहमती आवश्यक असेल.
• हॉक-आय तंत्रज्ञानाचा वापर : गोलंदाजांच्या संशयास्पद किंवा चुकीच्या बॉलिंग ॲक्शनची रिपोर्ट करताना मॅच अधिकारी आता ‘हॉक-आय’ डेटाची थेट मदत घेऊ शकतील.
• स्टेडियममधील लाईट्सवर संशोधन: खराब प्रकाशामुळे खेळात येणारे अडथळे रोखण्यासाठी आयसीसी आणि मेरीलेबोन क्रिकेट क्लब मिळून स्टेडियममधील लाईटिंग तंत्रज्ञानावर विशेष संशोधन करणार आहेत.
• मैदानावर रणनीती आखता येणार: सामन्यादरम्यान मिळणाऱ्या ‘ड्रिंक्स ब्रेक’मध्ये आता मुख्य प्रशिक्षक (हेड कोच) किंवा त्यांचे प्रतिनिधी मैदानात जाऊन खेळाडूंशी रणनीतीवर थेट चर्चा करू शकतील.
• टी-२० आंतरराष्ट्रीय क्रिकेटमध्ये १५ मिनिटांचा ब्रेक: टी-२० आंतरराष्ट्रीय सामन्यांमध्ये आता १५ मिनिटांचा ब्रेक घेणे अनिवार्य करण्यात आले असून, ब्रेक संपताच फलंदाजाला त्वरित खेळण्यासाठी सज्ज राहावे लागेल.
• लेग-साइड वाईड नियम कायम: ‘लेग-साइड वाईड’चा प्रायोगिक नियम आता कायमस्वरूपी लागू करण्यात आला आहे. एमसीसीचे इतर नवीन नियम १ ऑक्टोबर २०२६ पासून लागू होतील.

महिला क्रिकेट आणि टी-२० वर्ल्डकपबाबत मोठे निर्णय!

🚨 KEY RECOMMENDATIONS APPROVED AT ICC BOARD MEETING 🚨

• Trialling the use of a pink ball in regular Test Matches, with prior agreement from both teams, to maximise play in case of anticipated bad light.

• Research on lighting technology for match officials and venues to… pic.twitter.com/xYRSdh2ULo

— Cricket Central (@CricketCentrl) June 1, 2026

जगभरात वाढत्या फ्रँचायझी लीग आणि आंतरराष्ट्रीय कॅलेंडरमध्ये ताळमेळ बसवण्यासाठी आयसीसीने विशेष समिती स्थापन केली आहे. तसेच, महिला चॅम्पियन्स ट्रॉफी २०२७ च्या तारखांमध्ये बदल करण्यात आला असून, हा खेळ आता जून-जुलैऐवजी १४ ते २८ फेब्रुवारी २०२७ दरम्यान खेळवला जाईल. महिला क्रिकेटला प्रोत्साहन देण्यासाठी २०२६ मध्ये १० संघांची नवी स्पर्धा सुरू होईल, ज्यामध्ये ५ पूर्ण सदस्य आणि ५ असोसिएट देशांचा समावेश असेल. याशिवाय, पुरुषांच्या टी-२० वर्ल्डकपसाठी १६ संघांच्या ‘ग्लोबल क्वालिफायर’ लढतीला मंजुरी देण्यात आली आहे.

हेही वाचा – Team India Schedule : आयपीएल संपताच ६ जूनपासून टीम इंडियाचे नॉन-स्टॉप सामने! या देशांशी भिडणार; पाहा संपूर्ण ६ महिन्यांचा शेड्युल

क्रिकेट कॅनडा बोर्डावर निलंबनाची मोठी कारवाई!

Take a look at some of the key recommendations approved at the ICC Board meeting in Ahmedabad 🏏

What do you make of them? 🤔

🔗 @ShayanAcharya with more details: https://t.co/vVmeR1kUOT

📸: AFP pic.twitter.com/nX1MrwicgO

— Sportstar (@sportstarweb) June 1, 2026

सदस्यत्वाच्या अटींचे उल्लंघन केल्यामुळे आयसीसीने ‘क्रिकेट कॅनडा’ला तात्काळ प्रभावाने सस्पेंड (निलंबित) केले आहे. मात्र, खेळाडूंचे नुकसान होऊ नये म्हणून कॅनडाचे संघ आयसीसी स्पर्धांमध्ये खेळू शकतील. आयसीसी कॅनडा बोर्डाला थेट निधी देणार नाही, तर ‘कंट्रोल्ड फंडिंग सिस्टम’द्वारे स्वतः केवळ राष्ट्रीय संघाच्या गरजांवर खर्च करेल. कॅनडा बोर्डातील प्रशासकीय सुधारणांसाठी एक ‘नॉर्मलायझेशन कमिटी’ स्थापन करण्यात आली असून, तिच्या समाधानानंतरच सदस्यत्व बहाल केले जाईल.