Rupali Patil Thombre : राष्ट्रवादी काँग्रेस पक्षातील अंतर्गत कलहाची जोरदार चर्चा अजित पवार( Ajit Pawar)  यांच्या निधनानंतर सातत्याने होत आहे. ही चर्चा आता मोठ्या प्रमाणावर होत असून, पक्षाच्या प्रदेशाध्यक्ष पदाबाबत मोठा निर्णय घेतला जाण्याची शक्यता आहे. खरंतर दिवसेंदिवस सातत्याने घडत असलेल्या घडामोडींमुळे पक्षातील अंतर्गत वाद चव्हाट्यावर आला आहे.  (Rupali Patil Thombre)

प्रदेशाध्यक्ष पदाबाबत राजकीय रणनितीकार प्रशांत किशोर( Prashant Kishor ) यांनी पक्षाच्या राष्ट्रीय अध्यक्षा सुनेत्रा पवार यांना महत्वाचा सल्ला दिला असल्याची माहिती समोर आली होती. त्यामुळे राष्ट्रवादीत मोठ्या भूकंपाचे संकेत मिळत असून, आता पक्षाच्या नेत्या रुपाली पाटील ठोंबरे यांनी सुनील तटकरेंवर गंभीर आरोप करत प्रदेशाध्यक्ष बदलले पाहिजे, अजितदादांची तीच इच्छा होती, असा मोठा दावा केला आहे.  (Rupali Patil Thombre)

कार्यकाळ पूर्ण झाला की सन्मानाने जागा रिकामी करणे हीच लोकशाहीची संस्कृती आहे. मग खुर्चीला एवढं चिकटून बसण्याचा हट्ट कशासाठी? दुसऱ्यांना हकालपट्टी करताना नियम आठवत होते, मग स्वतःवर तेच नियम लागू झाले की एवढी अस्वस्थता का? असे सवाल करत एक फेसबुक पोस्ट नुकतीच त्यांनी केली होती. यानंतर त्यांनी एका न्यूज चॅनेलला दिलेल्या मुलाखतीत आपली भूमिका मांडली आहे.  (Rupali Patil Thombre)

“रणनितीकार निवडणे हा पक्षाचा अधिकार आहे. प्रदेशाध्यक्ष बदलले पाहिजे. अजितदादांची तीच इच्छा होती. प्रदेशाध्यक्ष बदलणार हेच अजितदादांनी आम्हाला सांगितलं होतं. कदाचित माझ्यापेक्षा जे वरिष्ठ आहेत, मंत्री आहेत. त्यांना ही गोष्ट माहिती आहे. पण ते बोलणार नाहीत. पण का बोलायचं नाही. जर पक्ष संघटन मजबूत करायचं असेल तर बदल व्हायला हवा.” अशा शब्दांत रुपाली पाटील ठोंबरे यांनी आपली भूमिका स्पष्ट केली.  (Rupali Patil Thombre)

मोठा गौप्यस्फोट  (Rupali Patil Thombre)

१५ नोव्हेंबरच्या दिवशी घडलेल्या एका घटनेची आठवण करून देत रुपाली पाटील ठोंबरे यांनी मोठा गौप्यस्फोट केला. “१५ नोव्हेंबर रोजी मनपा निवडणुकीपूर्वी जेव्हा अजितदादांशी आमची भेट झाली. मी जगदंबा मातेची शपथ घेऊन सांगते की, दादांनी तेव्हा सांगितलं होतं की, मी प्रदेशाध्यक्ष बदलणार आहे. तुम्ही कामाला लागा. आपल्याला पुणे मनपा जोमाने लढायची आणि जिंकायची आहे. प्रत्येक कार्यकर्त्यांसोबत बोलताना दादांनी ही गोष्ट सांगितली.”  (Rupali Patil Thombre)

पक्षाला मजबूत करण्यासाठी त्यांनी प्रदेशाध्यक्ष पदाचा राजीनामा द्यावा   (Rupali Patil Thombre)

तसेच सुनील तटकरे यांच्याविषयी बोलताना रुपाली पाटील ठोंबरे यांनी आरोपांची राळ उठवली. “तटकरे हे प्रदेशाध्यक्ष झाल्यापासून निवडीचे पत्र देतानाही दिरंगाई व्हायची अजितदादांनी सांगून सु्द्धा कार्यकर्त्यांना डावले जायचे. याची मी साक्षीदार आहे. तटकरे यांच्यासोबत आमचे भांडण नाही. पक्षाला मजबूत करण्यासाठी त्यांनी प्रदेशाध्यक्ष पदाचा राजीनामा द्यावा.” अशी थेट मागणीच रुपाली पाटील ठोंबरे यांनी केली आहे.  (Rupali Patil Thombre)

Abhijit Dipke : अभिजीत दिपके यांच्याविरोधात आंदोलनाचा इशारा! केली ‘ही’ मोठी मागणी