Abhijit Dipke : गेल्या काही दिवसांपूर्वी कॅाक्रोच जनता पार्टीचे सर्वेसर्वा अभिजीत दिपके यांना तात्काळ अटक करण्याची मागणी करणारी तक्रार दिल्ली पोलिसांत करण्यात आली होती. या तक्रारीत तक्रारदाराने दिपके यांच्यावर गंभीर आरोप केले होते. यामुळे एकच खळबळ उडाली होती. अशातच आता अभिजीत दिपके यांना मोठा धक्का बसण्याची शक्यता आहे.

सुरक्षेच्या कारणास्तवर देण्यात आलेलं पोलीस संरक्षण काढून घेण्यात यावं अशी मागणी जिल्हाधिकाऱ्यांकडे करण्यात आली असल्याची माहिती समोर आली आहे. महाराष्ट्र पोलीस बॉईज असोसिएशनकडून ही मागणी करण्यात आल्याचं समजतं. तक्रारीत पोलीस अधिकाऱ्याला अपमानास्पद वागणूक दिल्याचा आरोप अभिजीत दीपके यांच्यावर आहे.

तसेच अभिजीत दीपके यांच्यावर कायदेशीर कारवाई करण्यात यावी, अशीही मागणी करण्यात आली आहे. दीपके यांचं पोलीस संरक्षण काढलं नाही तर आंदोलन करू, असा इशाराही महाराष्ट्र पोलीस बॉईज असोसिएशनने दिला आहे.

नेमकं काय घडलं?

मिळालेल्या माहितीनुसार, दिल्लीतील आंदोलनाला यश आल्यानंतर अभिजीत दिपके यांनी आपल्या घरची वाट धरली. छत्रपती संभाजीनगर येथील आपल्या राहत्या घरी ते आले. घरी दाखल होताच त्यांचं जंगी स्वागत करण्यात आलं. दररोज त्यांना भेटण्यासाठी लोकांची रिघ लागली. याचदरम्यान एका पोलिस कर्मचाऱ्यावर दिपके भडकल्याचा आरोप आहे.

एका पोलीस अधिकाऱ्याला थेट जाब विचारत, “मी कोणाल भेटायचं हे पोलिसांनी मला सांगायचं नाही? मी कोणाला भेटायचे आणि कोणाला नाही, हे मी ठरवणार,” अशा शब्दांत नाराजी व्यक्त केली. तसेच “तुम्ही कोणत्या विभागाचे आहात? कोणत्या पोलीस ठाण्याचे आहात? तुमचे पद काय आहे?” तुम्ही बाहेर जा,” असे म्हणत संबंधित अधिकाऱ्याला आपल्या निवासस्थानाच्या परिसरातून बाहेर जाण्यास सांगितल्याचाही दावा करण्यात आला होता.

Masoud Pezeshkian : ना मागे हटणार… ना झुकणार… शेवटच्या श्वासापर्यंत…; इराणच्या राष्ट्रध्यक्षांचं सर्वात मोठं विधान