Swara Bhaskar : अभिनेत्री स्वरा भास्कर सध्या ‘राईज अँड फॉल २’ या रिॲलिटी शोमुळे चर्चेत आहे. या शोमध्ये तिची वेगळी बाजू प्रेक्षकांना पाहायला मिळत आहे. या शोमध्ये स्वराने आपल्या स्वभावामुळे करिअरचं नुकसान झाल्याची धक्कादायक कबुली दिली.

श्रेया कालराच्या सल्ल्यावर स्वरा भास्करची प्रतिक्रिया

शोदरम्यान इन्फ्लुएन्सर श्रेया कालरा हिने स्वराला कमी मुत्सद्दीपणा दाखवून खेळावर अधिक लक्ष केंद्रित करण्याचा सल्ला दिला. सुरुवातीला स्वराने श्रेयाचे आभार मानले. मात्र, त्यानंतर तिने या सल्ल्याबाबत उघडपणे नाराजी व्यक्त केली.

कंटेंट क्रिएटर्स आणि रिॲलिटी शोमधील कलाकारांनी आपल्याला खेळ कसा खेळायचा हे शिकवण्याची गरज नसल्याचे स्वराने स्पष्ट केले. आपण आपल्या पद्धतीने खेळण्यास समाधानी असल्याचे तिने म्हटले.

‘मला रिॲलिटी शोमधून करिअर करायचं नाही’

श्रेयाला उत्तर देताना स्वराने तिच्या भूमिकेबद्दल स्पष्ट शब्दांत सांगितले की, तिचं जग रिॲलिटी शोच्या जगापेक्षा वेगळं आहे. अशा शोमधून करिअर घडवण्यात रस नाही.

‘माझ्या स्पष्टवक्तेपणामुळे करिअरचं नुकसान झालं’

श्रेया कालरा तिथून गेल्यानंतर स्वराने आपल्या करिअरबद्दलही भाष्य केले. आपल्याला महत्त्वाच्या वाटणाऱ्या मुद्द्यांवर भूमिका घेतल्यामुळे करिअरचे नुकसान झाले असल्याचे तिने म्हटले. इतरांना प्रोत्साहन देण्यासाठी पैसे घेण्याऐवजी आपण स्वतःला महत्त्वाच्या वाटणाऱ्या विषयांवर आवाज उठवला, असेही स्वराने सांगितले.

 ‘पद्मावत’वरील वक्तव्यामुळेही आली होती चर्चेत

स्वरा भास्कर यापूर्वी एका वक्तव्यामुळे चांगलीच वादात सापडली होती. ‘पद्मावत’ चित्रपटाबाबत तिने एक वक्तव्य केले होते. ज्यानंतर सोशल मीडियावर मोठा वाद निर्माण झाला होता. तिच्या वक्तव्यामुळे तिला मोठ्या प्रमाणात ट्रोलही करण्यात आले होते. त्यानंतर स्वराने समोर येत आपल्या वक्तव्याचा चुकीचा अर्थ काढला असल्याची भावना व्यक्त केली होती. आता ‘राईज अँड फॉल २’मध्ये केलेल्या एका नव्या वक्तव्यांमुळे स्वरा भास्कर पुन्हा एकदा चर्चेत आली आहे. तिचा स्पष्टवक्तेपणा, करिअरबाबतची कबुली आणि रिॲलिटी शोच्या जगाविषयीची भूमिका यामुळे या शोमधील तिच्या पुढील वाटचालीकडे प्रेक्षकांचे लक्ष लागले आहे.

Immunity Boost: वाढत्या प्रदूषणात आरोग्याची काळजी कशी घ्याल? रोगप्रतिकारशक्ती टिकवण्यासाठी आहारात समाविष्ट करा ‘हे’ ६ पदार्थ