Tamannaah Bhatia : लोकप्रिय बॉलिवूड अभिनेत्री तमन्ना भाटिया सध्या तिच्या आगामी ‘द वन’ या चित्रपटामुळे चर्चेत आहे. १६ सप्टेंबर रोजी या चित्रपटाचा ट्रेलर प्रदर्शित करण्यात आला. प्रेक्षकांकडून या चित्रपटाच्या ट्रेलरला चांगला प्रतिसाद मिळत आहे. अशातच ट्रेलर लाँच कार्यक्रमादरम्यान तमन्नाने चित्रपटातील ‘छठी मैया’ या गाण्याच्या चित्रीकरणाचा अनुभव सांगितला. या गाण्याचे चित्रीकरण करताना आपण भावुक झाल्याचे तिने सांगितले.

‘छठी मैया’ या गाण्यात छठ पूजा आणि बिहारी संस्कृतीची झलक पाहायला मिळते. मुंबईत वाढल्यामुळे तिला छठ पूजेच्या परंपरांची फारशी माहिती नव्हती. जुहू बीचवर छठ पूजा साजरी करताना मोठी गर्दी तिने पाहिली होती. मात्र या सणामागील श्रद्धा आणि परंपरा तिला माहीत नव्हत्या, असे तमन्नाने सांगितले.

ती म्हणाली, “हा चित्रपट आम्हा सर्वांसाठी खूप खास आहे. आपल्या देशात अनेक लोककथा आहेत आणि त्यांना मोठ्या पडद्यावर आणण्यासाठी खूप धाडस लागते. मी जुहू बीचवर छठ पूजा साजरी करणारी प्रचंड गर्दी पाहिली होती, पण या सणाशी संबंधित परंपरांबद्दल मला फारशी माहिती नव्हती. मी मुंबईत मोठी झाले. छठ पूजा हा एक मोठा सण आहे, पण मला त्याबद्दल फारशी माहिती नव्हती. पण जेव्हा गाण्याचे चित्रीकरण केले, तेव्हा मला कळले की यात खूप कडक उपवास असतो, ज्यामध्ये लोक ३६ तास पाण्याशिवाय राहून देवीची पूजा करतात.”

या गाण्याचे शूटिंग करताना तिच्या डोळ्यांत नकळत अश्रू आले. कलाकार म्हणून आपण एका माध्यमासारखे असतो आणि काही अनुभव आपल्यापेक्षा मोठ्या शक्तीशी जोडलेले असल्याचे तिला जाणवले. ‘द वन’मध्ये सिद्धार्थ मल्होत्रा मुख्य भूमिकेत असून दीपक कुमार मिश्रा यांनी चित्रपटाचे दिग्दर्शन केले आहे. सुनील ग्रोव्हर, श्वेता तिवारी आणि अनुप सोनी यांच्याही महत्वाच्या भूमिका आहेत. हा चित्रपट २५ सप्टेंबर २०२६ रोजी चित्रपटगृहात प्रदर्शित होणार आहे.

Rani Mukerji: राणी मुखर्जीचं लग्न इतकं गुप्त का ठेवलं? फक्त 13 पाहुणे अन् ड्रोन दिसताच आदित्य चोप्रा धावत सुटले!