Parinay Phuke And Devendra Fadnavis |  भाजप आमदार परिणय फुके यांनी पक्षाच्या कार्यकर्ता मेळाव्यात ‘मीच शिवसेनेचा बाप’ असं विधान केले आहे. फुके यांच्या या विधानानंतर भाजप आणि शिवसेना हे एकमेकांविरुद्ध उभे ठाकल्याचे चित्र बघायला मिळत आहे. यावरून आता शिंदे गटाचे नेते संजय कुंभलकर यांनी परिणय फुकेंनी 12 तासांच्या आत जाहीर माफी मागावी अन्यथा आम्ही त्यांना शिवसेना स्टाईलने उत्तर देऊ, असा इशारा दिला आहे.

परिणय फुके म्हणाले की, “काही लोकांनी माझ्यावर आरोप केले. मी कुठल्याही आरोपाला उत्तर देत नाही. परंतु त्यादिवशी माझ्या चांगले लक्षात आले, जर एखादा मुलगा परीक्षेत चांगले मार्क्स मिळवत असेल तर त्याची नाहीतर आईचं कौतुक केले जाते. काही चांगले झाले तर आईने केले किंवा त्या मुलाने केले. याउलट जर काही वाईट झाले तर दोष बापावर केला जातो. त्यामुळे मला पक्कं माहिती झालं, शिवसेनेचा बाप मीच आहे. खापर माझ्यावर फोडले जाते. या सगळ्या आरोपांकडे लक्ष न देता आपण आपलं काम ताकदीने सुरु ठेवलं पाहिजे आणि पक्ष वाढवण्याचं काम केलं पाहिजे,” असे त्यांनी म्हटले. Parinay Phuke And Devendra Fadnavis |

शिवसेनेचा परिणय फुकेंना इशारा

यावर शिंदे गटाचे लोकसभा प्रमुख संजय कुंभलकर म्हणाले की, “बाळासाहेब ठाकरे हे शिवसेनेचे पिता आहेत. कुणीही आमचा बाप होण्याचा प्रयत्न करू नका. जिल्हा बँकेच्या निवडणुकीत परिणय फुके यांनी शिवसेना उमेदवार प्रकाश मालगावे यांना हरवण्याचे काम केले. त्यांनीच काँग्रेसच्या उमेदवाराला सहा मते देण्याचा डाव खेळला. त्यामुळे सेनेच्या उमेदवाराला पराभवाचा सामना करावा लागला.”

“आता फुके यांनी शिवसेनेबद्दल अपमानकारक शब्दाचा वापर केल्याने कार्यकर्त्यांचे मन दुखावले गेले आहे. परिणय फुकेंनी 12 तासांच्या आत जाहीर माफी मागावी अन्यथा आम्ही त्यांना शिवसेना स्टाईलने उत्तर देऊ. मुख्यमंत्री देवेंद्र फडणवीस यांनी अशा नेत्याला आवरावे, अन्यथा शिवसेनेचा बाप कोण आहे हे आम्ही सांगू,” असा इशारा त्यांनी दिला. Parinay Phuke And Devendra Fadnavis |

देवेंद्र फडणवीस यांनी माध्यमांचे कान टोचले 

परिणय फुके यांच्या विधानाबाबत देवेंद्र फडणवीस यांनी प्रतिक्रिया दिली आहे. “हे वक्तव्य पूर्ण पार्श्वभूमीवर बघितलं, तर… तसं बोललं पाहिजे, नाही बोललं पाहिजे हा त्यांचा विषय आहे. पण पूर्ण पार्श्वभूमीवर बघितलं तर शिवसेनेचा मी बाप आहे, असा त्याचा अर्थ कुठेही होत नाही. त्यामुळे अर्थवट वाक्ये कापायची आणि ती चालवायची हे बंद केलं पाहिजे”, अशा शब्दात देवेंद्र फडणवीस यांनी माध्यमांचे कान टोचले.  Parinay Phuke And Devendra Fadnavis |

हेही वाचा :  

ब्राझीलचे माजी राष्ट्रपती ‘हाऊस अरेस्ट’ ; सत्तापालटाचा कट रचल्याच्या आरोपाखाली कारवाई