US Presidential Election 2024 :- अमेरिकेच्या अध्यक्षपदाच्या निवडणुकीसाठी डेमोक्रॅटिक पक्षाचा अधिकृत उमेदवार आपणच असल्याचे अध्यक्ष ज्यो बायडेन यांनी ठामपणे सांगितले आहे. या निवडणुकीतून माघार घेण्यासाठी आपल्यावर कोणताही दबाव नसल्याचेही त्यांनी स्पष्ट केले आहे. एकच दिवस आगोदर माघार घेण्यासाठी बायडेन यांच्यावर डेमोक्रॅटिक पक्षातून दबाव येत असल्याचे वृत्त माध्यमांनी प्रसिद्ध केले होते. मात्र आज बायडेन यांनी दिलेले स्पष्टिकरण हे या वृत्ताला विसंगत आहे.

गेल्या गुरुवारी अटलांटा येथे झालेल्या पहिल्या खुल्या वादविवादामध्ये बायडेन यांची कामगिरी खूपच सुमार झाली होती. त्यानंतर बायडेन यांची प्रसिद्धी खालावली आणि त्यांच्या स्वतःच्या पक्षाच्या सदस्यांकडून त्यांनी माघार घेण्याची मागणी केली जाऊ लागली.

मीच डेमोक्रॅटिक पक्षाचा उमेदवार आहे. माझ्यावर कोणाचाही दबाव नाही. मी माघार घेणार नाही. मी अखेरपर्यंत या शर्यतीत असणार आहे. आपण ही निवडणूक जिंकणार आहोत. फक्त एवढेच लक्षात घेतले पाहिजे. निवडणुक निधीमध्ये योगदान द्या आणि आपण नोव्हेंबरमध्ये डोनाल्ड ट्रम्प यांना पराभूत करू, अशा शब्दात निवडणूक प्रचारासाठी डेमोक्रॅटिक पक्षाच्या सदस्यांना उद्देशून लिहीलेल्या ई-मेलमध्ये बायडेन यांनी आपली भूमिका स्पष्ट केली आहे.

Israel war on Gaza : हिज्बुल्लाहने इस्रायलवर डागली 200 रॉकेट, वरिष्ठ कमांडर मारला गेल्यावर प्रत्युत्तर…

हा प्रचार आपणा सर्वांपेक्षा मोठा आहे. आपण सर्वांना आपले सर्वस्व पणाला लावले आहे. मला आतापर्यंत अनेकवेळा पराभव स्वीकारावा लागला आहे. मात्र पराभव झाला, तरी किती लवकर आपण उठून उभे राहतो, हे महत्वाचे असल्याचे आपल्या वडिलांनी सांगितले होते, अशी आठवणही बायडेन यांनी करून दिली. २०२० मध्ये ज्या प्रकारे ट्रम्प यांना पराभूत केले होते, त्याच प्रमाणे आताही आपण ट्रम्प यांना पराभूत करणार आहोत, असा विश्‍वासही त्यांनी व्यक्त केला.