मुंबई : सामाजिक न्याय मंत्री संजय शिरसाट यांच्या मुलासाठी छत्रपती संभाजीनगरमधील महत्त्वाच्या जागेवरचं ‘हॉटेल विट्स’ केवळ ६७ कोटी रुपयांत विकत घेण्यात आलं, ज्याची मूळ किंमत ११० कोटी रुपये असल्याचा दावा करण्यात आला आहे. या संपूर्ण व्यवहारावर ठाकरे गटाने गंभीर आक्षेप घेत बेकायदेशीर लिलावप्रक्रियेचा आरोप केला आहे. हे प्रकरण समोर आल्याने संजय शिरसाट यांच्या अडचणी वाढू शकतात. sanjay shirsat on sanjay raut

काय आहे प्रकरण?

संजय शिरसाट यांचे पुत्र सिद्धांत शिरसाट यांच्या मालकीच्या ‘मेसर्स सिद्धांत साहित्य खरेदी पुरवठा कंपनी’ने हे हॉटेल खरेदी केल्याचे उघड झाले आहे. पूर्वी ‘हॉटेल वेदांत’ म्हणून ओळखल्या जाणाऱ्या आणि सध्या ‘हॉटेल विट्स’ नावाने ओळखल्या जाणाऱ्या या मालमत्तेचा लिलाव धनदा कॉर्पोरेशन लिमिटेडच्या नावे होता. sanjay shirsat |

दरम्यान, “लिलावात भाग घेणाऱ्या इतर स्पर्धकांच्या बोली रक्कमांमध्ये मुद्दाम फरक दाखवण्यात आला, जेणेकरून ही मालमत्ता सिद्धांत शिरसाट यांनाच मिळेल.” असा आरोप शिवसेना (ठाकरे गट) नेते खासदार संजय राऊत यांनी केला आहे.

“टेंडरिंग की दलाली?” : राऊतांचा सवाल

संजय राऊत यांनी उपस्थित केलेल्या प्रश्नांनी राजकीय वातावरण चांगलंच तापवलं आहे. “सिद्धांत शिरसाट यांचा उद्योग क्षेत्रात कोणताही विशेष अनुभव नाही, मग एवढ्या मोठ्या व्यवहारासाठी निधी कुठून आला? हा पैसा टेंडरिंगमधून आला की दलालीतून?” sanjay raut |

मूल्यांकन व चौकशीची मागणी

२०१२ च्या अधिकृत मूल्यांकन अहवालानुसार या हॉटेलची किंमत ११० कोटी रुपये होती. आजच्या महागाई निर्देशांकानुसार ही किंमत आणखी वाढलेली असण्याची शक्यता असताना केवळ ६७ कोटी रुपयांत मालमत्ता विकण्यात आली. यामुळे संपूर्ण व्यवहारात पारदर्शकतेचा अभाव असल्याचे स्पष्ट होते, असे ठाकरे गटाचे म्हणणे आहे. दरम्यान, नेते दानवे यांनी मुख्यमंत्री देवेंद्र फडणवीस यांना पत्र लिहून या लिलाव प्रक्रियेची चौकशी करण्याची मागणी केली आहे. Ambadas Danve |