Jitendra Shelke : भोंदुबाबा अशोक खरात प्रकरण सध्या चर्चेत असतानाच एक धक्कादायक घटना समोर आली आहे. शिवनिका ट्रस्टचे उपाध्यक्ष जितेंद्र शेळके यांचा समृद्धी महामार्गावर झालेल्या भीषण अपघातात मृत्यू झाला आहे. छत्रपती संभाजीनगरहून शिर्डीकडे जात असताना हा अपघात घडल्याची माहिती मिळत आहे.  Jitendra Shelke

प्राथमिक माहितीनुसार, शेळके यांच्या कारने उभ्या असलेल्या ट्रकला जोरदार धडक दिली, ज्यामुळे हा गंभीर अपघात झाला. या अपघातात शेळके यांचा जागीच मृत्यू झाला असून, त्यांच्या पत्नी आणि मुलगा गंभीर जखमी झाले आहेत. त्यांच्यावर रुग्णालयात उपचार सुरू असल्याचे सांगितले जात आहे.

जितेंद्र शेळके यांची कार उभ्या ट्रकला धडकल्याने हा अपघात घडल्याचं प्रथमदर्शनी दिसत आहे. अशोक खरात प्रकरणात शिवनिका ट्रस्टचे नाव वारंवार समोर येत आहे. याप्रकरणी तपास सुरु असून अनेक खुलासे होणे बाकी आहे. अशातच ट्रस्टच्या उपाध्यक्षतांचा अपघाती मृत्यू झाल्याने खळबळ उडाली आहे.  Jitendra Shelke

जितेंद्र शेळके (Jitendra Shelke) हे अशोक खरात यांचे निकटवर्तीय आणि विश्वासू सहकारी मानले जात होते. ट्रस्टमधील त्यांच्या जबाबदाऱ्यांबरोबरच खरात यांच्या व्यवसायातही त्यांचा सहभाग असल्याचे समोर आले आहे. तसेच, खरात यांना अटक झाल्यानंतर शेळके मानसिक तणावाखाली असल्याची माहितीही सूत्रांनी दिली आहे.

हेही वाचा :World Hemophilia Day 2026: लहानशी जखमही ठरू शकते जीवघेणी; हीमोफिलियाबाबत जाणून घ्या महत्त्वाच्या गोष्टी