R Praggnanandhaa ।  भारताच्या आर.प्रज्ञानंदने पुन्हा एकदा अप्रतिम कामगिरी केली. जागतिक क्रमवारीत पहिला असलेला मॅग्नस कार्लसनचा त्याने पराभव केला आहे. मॅग्नस कार्लसनविरुद्ध खेळातील रमेश बाबू प्रज्ञानंदचा हा पहिला विजय आहे. या फॉरमॅटमधील कार्लसन आणि प्रग्नानंद यांचा हा चौथा सामना होता. शेवटचे तीन सामने अनिर्णित राहिले.कार्लसनला त्याच्याच घरच्या मैदानावर पराभूत करून भारतीय खेळाडूने स्पर्धेत पहिले स्थान मिळवून आघाडी घेतली आहे. सहा खेळाडूंच्या स्पर्धेत कार्लसनची पाचव्या स्थानावर घसरण झाली आहे.

R Praggnanandhaa । प्रज्ञानंद पांढळ्या सोंगट्यांसह खेळत होता
या सामन्यात भारतीय ग्रँडमास्टर प्रज्ञानंद पांढळ्या सोंगट्यांसह खेळला.  तिसऱ्या फेरीअखेर त्याने 9 पैकी 5.5 गुण मिळवले आहेत. हे दोन्ही खेळाडू गेल्या वर्षीच्या फीडे वर्ल्ड कप  एकाच फॉरमॅटमध्ये आमनेसामने होते जिथे कार्लसनने भारतीय खेळाडूचा पराभव केला होता.

R Praggnanandhaa । नॉर्वे चेस टूर्नामेंटमध्ये  भाऊ आणि बहिणीची कमाल
नॉर्वे बुद्धिबळ स्पर्धा ही या खेळातील सर्वात मोठी स्पर्धा आहे. येथे महिला आणि पुरुष गटात प्रत्येकी फक्त सहा खेळाडू सहभागी होतात. या स्पर्धेतील विजेत्याला 1 कोटी 33 लाख रुपये दिले जातात. तिसऱ्या फेरीनंतर, प्रज्ञानंद पुरुष गटात पहिल्या स्थानावर आहे आणि त्याची बहीण आणि महिला ग्रँडमास्टर वैशाली महिला गटात पहिल्या स्थानावर आहे. तिने कोनेरू हम्पीला हरवून पहिले स्थान पटकावले.

==========