Operation Tiger : शिवसेना (उद्धव बाळासाहेब ठाकरे) पक्षातील सहा खासदारांच्या बंडानंतर प्रथमच हिंगोलीचे खासदार नागेश पाटील आष्टीकर यांनी सार्वजनिक भूमिका मांडली आहे. फेसबुक लाईव्हद्वारे त्यांनी शिंदे गटात जाण्याचा निर्णय स्पष्ट करत, “मी दुसरीकडे कुठेही गेलो नाही, शिवसेनेतून शिवसेनेतच गेलो आहे. मी विचारधारा सोडलेली नाही,” असे सांगितले. (Operation Tiger)

आष्टीकर यांनी आपल्या निर्णयामागे मतदारसंघाच्या विकासाचा मुद्दा असल्याचे सांगितले. “सत्तेत नसल्यास लोकांची कामे होत नव्हती. मतदारांनी मला ज्या अपेक्षेने निवडून दिले, ती पूर्ण करण्यासाठी हा निर्णय घेतला,” असे ते म्हणाले. (Operation Tiger)

‘सत्तेशिवाय विकासाची कामे होत नव्हती’

नागेश पाटील आष्टीकर म्हणाले की, १८ जूनपर्यंत आम्ही कोणताही निर्णय घेतला नव्हता. मात्र शिवसेनेच्या वर्धापन दिनाच्या मेळाव्यात आमच्यावर बोचऱ्या शब्दांत टीका करण्यात आली. त्याने मन दुखावले. मात्र त्यापेक्षा महत्त्वाचे म्हणजे मतदारसंघातील विकासकामांसाठी सत्तेत असणे आवश्यक असल्याचे त्यांना जाणवले. (Operation Tiger)

“लोकांनी माझ्यावर ठेवलेला विश्वास सार्थ ठरवण्यासाठी आणि मतदारसंघातील प्रलंबित कामे पूर्ण करण्यासाठी मी हा निर्णय घेतला. काहींना माझी भूमिका पटणार नाही, पण माझे कामच माझ्या निर्णयाचे उत्तर देईल,” असे त्यांनी सांगितले. (Operation Tiger)

कार्यकर्त्यांना शांततेचे आवाहन

आष्टीकर यांनी कार्यकर्त्यांना संयम बाळगण्याचे आवाहन करत, “राग व्यक्त करा, पण असंवैधानिक भाषा वापरू नका. शब्द मनाला लागतात. मी कायम कार्यकर्त्यांसोबत राहणार आहे,” असे म्हटले. (Operation Tiger)

संजय राऊतांनाही दिले उत्तर

शिवसेना (उद्धव बाळासाहेब ठाकरे) पक्षाचे खासदार संजय राऊत यांनी केलेल्या टीकेवरही आष्टीकर यांनी प्रतिक्रिया दिली. “राऊत साहेब माझ्या वडिलांसारखे आहेत. त्यांनी टीका केली तरी हरकत नाही. पण ‘झोडून काढा’ असे म्हणणे योग्य नाही. कुणीही कोणापेक्षा कमी नसतो. अशा वक्तव्यांचे परिणाम वाईट होऊ शकतात,” असे ते म्हणाले. (Operation Tiger)

नागेश पाटील आष्टीकर यांच्या या भूमिकेमुळे शिवसेनेतील खासदारांच्या फुटीबाबतची त्यांची अधिकृत बाजू प्रथमच समोर आली असून, राज्याच्या राजकारणात या विधानाची मोठी चर्चा सुरू झाली आहे. (Operation Tiger)