Sanjeeda Shaikh : अखेर ‘टॉक्सिक: अ फेअरी टेल फॉर ग्रोन-अप्स’ या बहुचर्चित चित्रपटाचा दमदार ट्रेलर प्रदर्शित झाला आहे. ट्रेलर पाहून सोशल मीडियावर संमिश्र प्रतिक्रिया उमटताना दिसत आहेत. अनेकांनी ट्रेलरचे कौतुक केले आहे, तर अनेकांनी ट्रेलरची तुलना रणबीर कपूरच्या अॅनिमल चित्रपटासोबत केली आहे.

काहींनी ट्रेलर पाहून चित्रपटातील हिंसकपणाची तीव्रता अधिक असल्याचे म्हटले आहे. थोडक्यात चित्रपटाच्या ट्रेलरला घेऊन विविध स्वरुपाच्या प्रतिक्रिया समोर येते आहेत. अशातच ट्रेलरमध्ये केवळ एक छोटीशी झलक दाखवण्यात आलेल्या एका अभिनेत्रीची जोरदार चर्चा सर्वत्र रंगली आहे.

खरंतर या चित्रपटात नयतारा, हुमा कुरेशी, कियारा अडवाणी, रुक्मिणी वसंत आघाडीच्या अभिनेत्रींच्या दमदार भूमिका आहेत. मात्र, अभिनेत्री संजिदा शेखने सर्वांचे लक्ष वेधून घेतले आहे. गीतू मोहनदास दिग्दर्शित ‘टॉक्सिक: अ फेअरी टेल फॉर ग्रोन-अप्स’ हा चित्रपट यशच्या मोठ्या चित्रपटांपैकी एक आहे.

येत्या २६ ऑगस्ट २०२६ रोजी हा चित्रपट प्रेक्षकांच्या भेटीला येणार आहे. या ॲक्शन-पॅक चित्रपटाच्या ट्रेलरमधील अनेक शॉट्समध्ये संजिदाचा कॅमिओ दिसत आहे. निर्मात्यांनी अद्याप तिच्या पात्राबद्दल कोणताही तपशील उघड केलेला नाही, त्यामुळे चित्रपटातील तिची भूमिका अस्पष्ट आहे.

कोण आहे संजिदा शेख?

अभिनेत्री संजिदा शेख गेल्या काही वर्षांत अनेक महत्त्वाच्या प्रकल्पांचा भाग राहिली आहे. तिच्या अलीकडील प्रदर्शित झालेल्या चित्रपटांमध्ये ‘धमाल ४’, ‘इक्का’, ‘हीरामंडी: द डायमंड बाजार’ आणि ‘फायटर’ या चित्रपटांचा समावेश आहे.

संजय लीला भन्साळी यांच्या ‘हीरामंडी’ या पीरियड ड्रामा वेबसिरीजचा ती भाग होती, तर ‘फायटर’मध्ये तिने हृतिक रोशन आणि दीपिका पदुकोण यांच्यासोबत सहाय्यक कलाकाराची भूमिका साकारली होती. तिच्या अलीकडील कामांमध्ये चित्रपट आणि वेबसिरीज या दोन्हींचा समावेश आहे. ‘टॉक्सिक’ हा तिच्या आतापर्यंतच्या कारकिर्दीतील मोठा प्रोजेक्ट आहे.

‘टॉक्सिक’च्या ट्रेलरमध्ये संजिदाच्या भूमिकेबद्दल फार काही उघड होत नाही. मात्र, असा अंदाज वर्तवला जात आहे की ती नयनताराच्या आईची भूमिका साकारेल. ‘टॉक्सिक: अ फेअरी टेल फॉर ग्रोन-अप्स’ हा चित्रपट गुन्हेगारीवर आधारित असून, यामध्ये जबदरस्त अॅक्शन पाहायला मिळणार आहे.

Tukaram Mundhe : ढेकणांनी झोप उडवली, ऑम्लेट-पाववर दिवस काढले; तुकाराम मुंढेंचा संघर्षकाळ म्हणाले “आज जर मी…”