नाशिक : राजकीय वर्तुळातून एक मोठी बातमी समोर आली आहे. नाशिकमध्ये अवघ्या महिनाभरापूर्वी शिंदेच्या शिवसेनेत प्रवेश केलेल्या हेमलता पाटलांनी (Hemlata Patil) पक्षाचा राजीनामा दिला आहे. यासंदर्भात त्यांनी फेसबुकवर एक व्हिडिओ पोस्ट करून आपली भूमिका (Hemlata Patil) मांडली आहे. त्यांनी महिनाभरापूर्वी काँग्रेसमधून शिंदेच्या शिवसेनेत प्रवेश केला होता. आता त्यांनी पक्षाचा तडकाफडकी राजीनामा दिल्याने एकनाथ शिंदेंना मोठा धक्का बसला आहे.

मी पक्षात राहून पक्षाला न्याय देऊ शकत नाही, त्यामुळे मी या पक्षातून बाहेर पडण्याचा निर्णय घेत आहे, असे त्यांनी फेसबुकवर पोस्ट केलेल्या व्हिडिओमध्ये म्हंटले आहे. हेमलता पाटील यांनी 30 ते 35 वर्षे काँग्रेस पक्षात कार्यरत राहून विविध पदांवर काम केले. मात्र मागच्या विधानसभा निवडणुकीत काँग्रेसने त्यांना तिकीट नाकारल्याने त्यांनी नाराज होऊन शिंदेच्या शिवसेनेत प्रवेश केला होता.

हे पण वाचा : नॅशनल हेराल्ड प्रकरण नेमकं काय आहे? राहुल, सोनिया गांधींवर काय आरोप आहेत? वाचा

पुढची राजकीय भूमिका काय?
सध्या मी कोणत्याही राजकीय पक्षात प्रवेश न करता स्वतःच्या सामाजिक संघटनेच्या माध्यमातून काम सुरू ठेवणार असल्याचे हेमलता पाटील यांनी स्पष्ट केले आहे. मी सामाजिक कार्यकर्त्या म्हणून जनतेच्या प्रश्नांवर आवाज उठवत राहणार राहिन असे त्यांनी आपल्या व्हिडिओच्या माध्यमातून स्पष्ट केले आहे.

कशी आहे हेमलता पाटलांची राजकीय कारकीर्द ?
हेमलता पाटील (Hemlata Patil) गेली 30 वर्षांपासून काँग्रेस पक्षात काम करीत होत्या.
काँग्रेसमध्ये असताना हेमलता पाटील यांच्यावर प्रवक्तेपदाची जबाबदारी होती.
यंदाच्या विधानसभेला त्यांना नाशिकमधून विधानसभेची उमेदवारी हवी होती. मात्र पक्षाने ती नाकारल्याने त्यांनी विधानसभेच्या तोंडावर शिंदेच्या शिवसेनेत प्रवेश केला.
त्यानंतर आता दीड महिन्यातच त्यांनी शिवसेनेचा राजीनामा देऊन कोणत्याही पक्षात प्रवेश करणार नाही असे जाहीर केले.