Kolhapur News | राज्यभरात पावसाने थैमान घातले आहे. कोल्हापूर जिल्ह्यातील गगनबावडा तालुक्यातील मुसळधार पावसाने जनजीवन विस्कळीत झाले आहे. गगनबावडा मार्गावर पुराचे पाणी असल्याने एका नवजात बालकाला जीव गमवावा लागल्याची दुर्दैवी घटना घडली आहे. या घटनेत गर्भवती महिला बचावली असून तिच्यावर रुग्णालयात उपचार सुरू आहेत. नेमकं काय घडलं? कोल्हापुर जिल्ह्यात पूरस्थिती उद्भवली असून कोल्हापूर गगनबावडा मार्गावर पुराचे पाणी आल्याने हा मार्ग वाहतुकीसाठी बंद झालाय. अशातच वेळेत उपचार न मिळाल्याने एका गर्भवती महिलेच्या नवजात बालकाचा मृत्यू झाला गगनबावडा तालुक्यातील बोरबेटमध्ये राहणाऱ्या या महिलेचे नाव कल्पना आनंदा डुकरे आहे. 27 वर्षीय ही महिला सात महिन्याची गरोदर होती. मात्र गर्भवती महिलेला प्रसुतीच्या वेदना सुरु झाल्या. त्यांच्या कुटुंबियांनी त्यांना गारीवडे येथील प्राथमिक आरोग्य केंद्राच्या गाडीतून गगनबावडा येथील ग्रामीण रुग्णालयात दाखल केले, पण पुढील उपचारासाठी तिला रुग्णवाहिकेतून कोल्हापूर येथील सीपीआर रुग्णालयात हलविण्याचा सल्ला देण्यात आला. Kolhapur News | या गर्भवती महिलेवर उपचार करण्यासाठी कोल्हापूरकडे नेणं गरजेचं होतं. गगनबावडा कोल्हापूर मुख्य मार्गावर खोकुर्ले येथे पाणी असल्याने तेथून त्यांना या गर्भवती महिलेला उपचारासाठी सीपीआर मध्ये दाखल करण्याचं मोठं आव्हान होतं. Kolhapur News | यावेळी निवडे प्राथमिक आरोग्य केंद्रातील 108 रुग्णवाहिकेतील डॉक्टर स्वप्नील जमखांडे आणि चालक सतीश कांबळे हे मात्र या महिलेसाठी देवदूत ठरले. या दोघांसह नागरिकांनी गर्भवती महिला कल्पना डुकरे यांना स्ट्रेचरवरून पुराच्या पाण्यातून वाट काढत रस्ता पार केला. या घटनेत कल्पना डुकरे यांची प्रकृती स्थिर आहे. मात्र पुराच्या पाण्यामुळे वेळीच उपचार न मिळाल्याने नवजात बालकाला जीव गमवावा लागल्याने हळहळ व्यक्त केली जात आहे. Kolhapur News | हेही वाचा : “अपूर्ण अन् खड्डेमय रस्त्यांवर टोल नाही ” ; सर्वोच्च न्यायालयाचा मोठा निर्णय, प्रवाशांना दिलासा
