Virender Sehwag | Haryana Elections – राज्यातील रियाना विधानसभा निवडणुकीच्या प्रचारासाठी राजकीय पक्षांनी आपली सर्व शक्ती पणाला लावली आहे. हरियाणामध्ये ५ ऑक्टोबरला मतदान आहे. निवडणूक प्रचाराचा आज शेवटचा दिवस आहे. कोणत्याही उमेदवाराला प्रचारात कोणतीही कसर सोडायची नाही.

दरम्यान, स्टार प्रचारकही आपापल्या उमेदवारांना मतांसाठी आवाहन करत आहेत. हरियाणा निवडणुकीदरम्यान माजी क्रिकेटपटू वीरेंद्र सेहवागही तोशाम येथे पोहोचला, जिथे त्याने काँग्रेस पक्षाचे उमेदवार अनिरुद्ध चौधरी यांच्यासाठी मते मागितली. वीरेंद्र सेहवागच्या आगमनाने येथील निवडणुकीचे वातावरण चांगलेच तापले आहे.

भाजप आणि काँग्रेसच्या उमेदवारांमध्ये चुरशीची लढत होणार आहे. तोषम जागेवर माजी मुख्यमंत्री बन्सीलाल यांची नात श्रुती चौधरी आणि नातू अनिरुद्ध चौधरी यांच्यात लढत आहे. श्रुती ही किरण चौधरी यांची मुलगी आहे, तर अनिरुद्ध चौधरी बीसीसीआयचे माजी अध्यक्ष रणवीर सिंग महेंद्र यांचा मुलगा आहे. श्रुती चौधरी ही अनिरुद्ध चौधरीची चुलत बहीण आहे.

‘मी माझे कर्तव्य पार पाडण्यासाठी आलो‘
वीरेंद्र सेहवागने माध्यमांशी संवाद साधताना सांगितले की, “मी माझे कर्तव्य बजावण्यासाठी आलो आहे. मोठा भाऊ कोणतेही काम करतो तेव्हा सर्वांनी मिळून त्याला मदत करावी लागते.

अनिरुद्ध चौधरी जनतेला दिलेली आश्वासने नक्कीच पूर्ण करतील कारण त्यांना प्रशासन चालवण्याचा अनुभव आहे. मी तोशामच्या लोकांना खात्री देतो की जर ते विजयी होऊन परत आले तर ते तुम्हाला निराश करणार नाहीत तर तुम्हाला आनंद देतील

‘येथे आल्याबद्दल मी वीरूचा आभारी आहे’
अनिरुद्ध चौधरी म्हणाले, “सामान्यतः क्रिकेटपटू निवडणूक प्रचारासाठी जात नाहीत, पण वीरेंद्र सेहवाग नेहमी येतो, मला कधी बोलण्याची गरज नाही. इथे आल्याबद्दल मी वीरूचा खूप आभारी आहे.”