Manoj Jarange : मराठा आरक्षणाच्या मुद्द्यावरून मनोज जरांगे यांच्या आंदोलनाचा आज १६वा दिवस आहे. शनिवारी अंतरवाली सराटी येथे मराठा बांधवांची बैठक घेतल्यानंतर जरांगे पाटील यांनी मुंबईतील आंदोलनाची भूमिका स्पष्ट केली आहे. (Manoj Jarange)

मात्र, त्यांच्या आंदोलनाला सरकारकडून परवानगी नाकारण्यात आल्याचे समोर आले आहे. असे असतानाही आंदोलनावर ठाम असल्याची भूमिका जरांगे यांनी घेतली आहे.(Manoj Jarange)

दरम्यान, या पार्श्वभूमीवर ज्येष्ठ वकील गुणरत्न सदावर्ते यांनी मनोज जरांगे यांच्या मुंबई आंदोलनाला विरोध करत आक्रमक भूमिका घेतली आहे. सदावर्ते यांनी जरांगे यांच्या भूमिकेवर जोरदार टीका करत कायदा आणि सुव्यवस्थेचा मुद्दा उपस्थित केला आहे. (Manoj Jarange)

‘मनोज जरांगे कायद्यापेक्षा मोठे नाहीत’

मनोज जरांगे यांच्या मुंबई आंदोलनावर प्रतिक्रिया देताना गुणरत्न सदावर्ते यांनी त्यांच्यावर गंभीर आरोप केले. कायद्याची तटबंदी असल्याशिवाय काही जण ऐकत नाहीत, असा दावा करत त्यांनी जरांगे यांच्या भूमिकेला ‘हेकडीखोरपणा’ असल्याची टीका केली. (Manoj Jarange)

गणेशोत्सवाच्या काळात मुंबईत मोठ्या प्रमाणावर गर्दी असते. त्यामुळे कायदा-सुव्यवस्था, वाहतूक व्यवस्था आणि सर्वसामान्य नागरिकांना होणारा संभाव्य त्रास लक्षात घेऊन पोलिसांनी आंदोलनाला परवानगी नाकारल्याचे सदावर्ते यांनी म्हटले. यासाठी त्यांनी मुंबई पोलिसांचे कौतुकही केले. (Manoj Jarange)

कथित आक्षेपार्ह वक्तव्यांवरून तक्रारीचा इशारा

मनोज जरांगे पाटील यांनी केलेल्या कथित आक्षेपार्ह वक्तव्यांवरून त्यांच्याविरोधात तक्रार दाखल करण्यात येणार असल्याचेही गुणरत्न सदावर्ते यांनी सांगितले. जिल्हाधिकारी आणि इतर अधिकाऱ्यांबाबत कथित अश्लाघ्य भाषा वापरल्याचा आरोप करत संबंधित प्रकरणात गुन्हा दाखल करण्याची मागणी त्यांनी केली. ‘मनोज जरांगे कायद्यापेक्षा मोठे नाहीत’, असे स्पष्ट करत मुंबईला अस्थिर करण्याचा कोणताही प्रयत्न सहन केला जाणार नाही, असा इशाराही सदावर्ते यांनी दिला. (Manoj Jarange)

आंदोलनामागे राजकीय हितसंबंध असल्याचा आरोप

दरम्यान, मनोज जरांगे पाटील यांच्या आंदोलनामागे राजकीय हितसंबंध असल्याचा आरोपही गुणरत्न सदावर्ते यांनी केला. या पार्श्वभूमीवर मुख्यमंत्री एकनाथ शिंदे आणि मंत्री उदय सामंत यांच्या भूमिकेवरही त्यांनी प्रश्न उपस्थित केले. (Manoj Jarange)

गणेशोत्सवाच्या काळात सामान्य नागरिक, विद्यार्थी आणि महिलांना कोणताही त्रास होऊ नये, यासाठी मुंबईतील कायदा-सुव्यवस्था अबाधित ठेवणे महत्त्वाचे असल्याचे सदावर्ते यांनी म्हटले आहे. दरम्यान, जरांगे पाटील मुंबई आंदोलनावर ठाम राहणार का आणि सरकारच्या परवानगीअभावी पुढील भूमिका काय घेणार, याकडे आता सर्वांचे लक्ष लागले आहे. (Manoj Jarange)

Manoj Jarange : मनोज जरांगेंची घोषणा अन् तासाभरातच मोठा धक्का; मराठ्यांमध्ये फूट; मुंबईतील आंदोलनाला विरोध

Manoj Jarange : गणपती बसवायचे अन् निघायचे; ‘या’ दिवशी करणार मुंबईच्या दिशेने कूच, मनोज जरांगे यांची घोषणा