Guna Rape Case । मध्य प्रदेशातील गुना येथे राहणाऱ्या अयान पठाण नावाच्या तरुणानेत्याच्याच शेजारी राहणाऱ्या मुलीवर अत्याचार केले आहेत. हे अत्याचार करताना त्याने फेविक्विकद्वारे मुलीचे ओठ चिकटवून टाकले. त्यानंतर ती मुलगी रुग्णालयात दाखल आहे. या प्रकरणानंतर आता संपूर्ण शहरात खळबळ उडाली आहे. पोलिसांनी आरोपीला अटक करून तपास केला. मात्र आज प्रशासनाने आरोपी अयान पठाणच्या घरावर बुलडोझर फिरवला आहे.

पोलिसांना दिलेल्या जबाबात मुलीनेआपबिती सांगितली आहे.  आरोपी अयान पठाण याने चार-पाच दिवसांपूर्वी झाडूने तिला मारहाण केली होती, त्यामुळे तिला डोळ्याला गंभीर दुखापत झाली होती. यानंतर अयानने त्याच डोळ्यावर दगड मारले. हे एवढ्यावरच आरोपी थांबला नाही तर त्याने तिला ओलीस ठेवले आणि महिनाभर अत्याचार केला, असा पीडितेचा आरोप आहे.

पीडितेच्या म्हणण्यानुसार, शारिरीक अत्याचारासोबतच तिला ओरडू नये म्हणून आरोपीने 18 एप्रिलच्या रात्री तिच्या ओठांवर मिरची पावडर आणि फेविक्विकने जखमा भरल्या होत्या. आरोपीला मुलीचे घर आपल्या नावावर करायचे होते. आरोपींना फाशीची शिक्षा देण्याची मागणी पीडितेच्या आईने सरकारकडे केली आहे.

आरोपीच्या घरावर बुलडोझर Guna Rape Case ।
येथे रविवारी प्रशासनाने आरोपीच्या घरावर बुलडोझर फिरवला आहे. एसडीएम रवी मालवीय यांनी दिलेल्या माहितीनुसार, 15 बाय 25 आकाराचे हे घर सरकारी जमिनीवर बांधण्यात आले आहे. कारवाईपूर्वी नोटीसही देण्यात आली होती, त्याला प्रतिसाद मिळाला नसल्याचे त्यांनी सांगितले. त्यानंतर आरोपीच्या घरावर बुलडोझरचा वापर करण्यात आला.

पीडितेविषयी डॉक्टरांनी काय सांगितले?
पीडित मुलीवर उपचार करत असलेले नेत्रतज्ज्ञ डॉ.अभिलाष सिंह राजपूत यांनी दिलेल्या माहितीनुसार, एका डोळ्याची लेन्स तुटली आहे. त्यांनी सांगितले की पडद्यामागील परिस्थिती काय आहे? हे अल्ट्रासाऊंडनंतरच कळेल. नेत्रतज्ज्ञ डॉ. अभिलाष सिंग राजपूत म्हणाले की, पीडितेची दृष्टी परत येईल की नाही हे पूर्ण तपासणीनंतरच सांगता येईल.

ज्योतिरादित्य सिंधिया यांनी केली ‘ही’ मागणी  Guna Rape Case ।
या प्रकरणाबाबत केंद्रीय मंत्री ज्योतिरादित्य सिंधिया यांनी त्यांच्या  सोशल मीडिया अकाउंटवर पोस्ट करून, “गुनाच्या मुलीवरील क्रूरतेची बातमी अस्वस्थ करणारी आहे. दोषीला कठोरात कठोर शिक्षा झाली पाहिजे जेणेकरून आमच्या बहिणी आणि मुलींच्या इज्जतीशी कोणताही सैतान खेळू शकणार नाही.