नवी दिल्ली : करोनामुळे आज सर्व जग हतबल झाले आहे. याचा फटका सर्वांना बसला असून जगभरात करोना रुग्णांची संख्या वाढत असल्यानं सौदी अरेबियाने परदेशातील मुस्लीम भाविकांसाठी हज यात्रेसाठी परवानगी नाकारली आहे. त्यामुळे भारतीय मुस्लिमांसाठी यावर्षीची हज यात्रा रद्द झाली असून, यात्रेला जाण्यासाठी अर्ज केलेल्यांना सरकारकडून पूर्ण शुल्क परत केले जाणार आहे. केंद्रीय मंत्री मुख्तार अब्बास नक्वी यांनी ही माहिती दिली.सरकारच्या या निर्णयामुळे यात्रेकरूंना मोठा दिलासा मिळाला आहे.

We have decided that Haj pilgrims from India will not be sent to Saudi Arabia for Haj 2020. Application money of more than 2.3 lakh pilgrims will be returned without cancellation deductions through direct transfer: Union Minister Mukhtar Abbas Naqvi#COVID19 pic.twitter.com/I5LdufNOhs

— ANI (@ANI) June 23, 2020

सौदी अरेबियाच्या घोषणेनंतर केंद्र सरकारने महत्त्वाची घोषणा केली आहे. केंद्रीय मंत्री मुख्तार अब्बास नक्वी यांनी याविषयी माहिती दिली. यंदाच्या हज यात्रेसाठी भारतीय यात्रेकरून पाठवण्याचा निर्णय केंद्र सरकारनं घेतला आहे. हज यात्रेला जाण्यासाठी देशभरातून २ लाख ३० हजार यात्रेकरूंनी अर्ज केले होते. अर्जवेळी भरण्यात आलेले शुल्क कोणतीही कपात न करता केंद्र सरकार परत देणार आहे’, असे नक्वी यांनी म्हटले आहे.

दरम्यान, करोनाच्या रुग्णांची दिवसेंदिवस संख्या वाढत चालली आहे. जागतिक स्तरावरील अनेक नियोजित कार्यक्रम रद्द करण्यात आले असून, अनेक सांस्कृतिक धार्मिक कार्यक्रमांवरही परिणाम झाला आहे. हज यात्रेलाही करोनाचा फटका बसला आहे. गर्दी टाळून हज यात्रा पार पडणार असल्याचे सांगण्यात येत आहे.