Tukaram Mundhe: अन्न व औषध प्रशासन (FDA) आयुक्त आणि आयएएस अधिकारी तुकाराम मुंढे सध्या त्यांच्या धडाकेबाज कारवाईमुळे चांगलेच चर्चेत आहे. सध्या राज्यात दूध आणि दुग्धजन्य पदार्थांमधील भेसळ रोखण्यासाठी अन्न व औषध प्रशासन विभागाने मोठी मोहीम सुरू केली असून, लोकांच्या आरोग्याशी खेळणाऱ्यांविरोधात कठोर कारवाईचा इशारा देण्यात आला आहे. त्यांच्या या कामगिरीचे राज्यभरातून मोठे कौतुक केले जात आहे.   (Tukaram Mundhe)

याचदरम्यान आता तुकाराम मुंढे यांना पंढरपूरच्या विठ्ठलाच्या शासकीय महापूजेचा मान देण्यात यावा, अशी मागणी केली जात आहे. शिवसेना नेते तथा खेड बाजार समितीचे सभापती विजयसिंह शिंदे यांनी ही मागणी केली आहे. मंचर येथे आयोजित ‘दूध भेसळविरोधी एल्गार मेळाव्यात’ बोलताना विजयसिंह शिंदे यांनी ही भूमिका मांडली.  (Tukaram Mundhe)

ते म्हणाले की, “भेसळखोरांविरोधात अत्यंत कठोर पावले उचलणाऱ्या तुकाराम मुंढे यांच्या पाठीशी सरकारने ठामपणे उभे राहणे गरजेचे आहे. प्रामाणिकपणे काम करणाऱ्या अशा अधिकाऱ्यांचा सन्मान म्हणून, यंदा मुख्यमंत्र्यांसोबत तुकाराम मुंढे यांनाही विठ्ठलाच्या शासकीय महापूजेचा मान देण्यात यावा,” अशी मागणी करण्यात आली आहे.

यंदाच्या पांडुरंगाच्या महापूजेचा मान राजकारण्यांऐवजी जनतेसाठी अहोरात्र काम करणाऱ्या तुकाराम मुंढे साहेबांना सपत्नीक मिळावा, अशा आशयाची पोस्ट सध्या सोशल मीडिया प्लॅटफॉर्म्सवर मोठ्या प्रमाणात शेअर केली जात आहे. तसेच वारकऱ्यांनी देखील हीच भावना व्यक्त करण्यात आली आहे.  (Tukaram Mundhe)

भेसळखोरांविरोधात मोठी मोहीम  (Tukaram Mundhe)

तुकाराम मुंढे यांनी अन्न आणि औषध प्रशासनाची (FDA) सूत्रे हाती घेताच राज्यात भेसळखोरांविरोधात मोठी मोहीम उभी केली आहे. FDA ने राज्यभर दूध, दुग्धजन्य पदार्थ, डेअरी, दूध संकलन केंद्रे आणि चिलिंग सेंटरवर तपासणी अधिक तीव्र करण्याचा निर्णय घेतला असून, नियमभंग करणाऱ्यांवर कठोर कारवाई केली जाणार असल्याचे स्पष्ट केले आहे. यामुळे भेसळखोरांचे धाबे दणाणले आहेत.

हेही वाचा: 

Tumbbad 2 : ‘तुंबाड 2’ चित्रपटात बॉलीवूडच्या लोकप्रिय अभिनेत्रीची वर्णी