Maratha Protest : मराठा आरक्षणाच्या मुद्द्यावरून राज्यातील वातावरण पुन्हा तापले आहे. मनोज जरांगे यांनी आरक्षणाच्या मागणीसाठी पुन्हा उपोषण सुरू केले असून, आज त्यांच्या उपोषणाचा आठवा दिवस आहे. दरम्यान, मराठा आंदोलकही आक्रमक झाल्याचे पाहायला मिळत आहे. (Maratha Protest)

सोलापूर-रत्नागिरी महामार्गावर कामती येथे मराठा आंदोलकांनी भाजप आमदार गोपीचंद पडळकर यांचा ताफा अडवला. यावेळी आंदोलकांनी मराठा आरक्षणाबाबत तसेच मनोज जरांगे पाटील यांच्या उपोषणाबाबत आपली भूमिका स्पष्ट करण्याची मागणी पडळकर यांच्याकडे केली. (Maratha Protest)

गोपीचंद पडळकर नेमकं काय म्हणाले?

आंदोलकांच्या मागणीनंतर गोपीचंद पडळकर यांनी मराठा आरक्षणाबाबत आपली भूमिका स्पष्ट केली. मराठा समाजाच्या SEBC आणि कुणबी आरक्षणाला आमचा कायम पाठिंबा आहे, असे त्यांनी सांगितले. मात्र, खाडाखोड केलेला कुणबी दाखला रद्दच होणार आहे, अशी भूमिकाही पडळकर यांनी यावेळी मांडली. पडळकर यांनी मराठा आरक्षणाला पाठिंबा दर्शवल्यानंतर उपस्थित मराठा आंदोलकांनी त्यांचे स्वागत केले. (Maratha Protest)

मनोज जरांगे पाटील यांच्या उपोषणाचा आठवा दिवस

मराठा आरक्षणाच्या मागणीसाठी मनोज जरांगे पाटील यांनी पुन्हा उपोषण सुरू केले आहे. त्यांच्या उपोषणाचा आज आठवा दिवस असून, त्यांची प्रकृती खालावल्याचे सांगितले जात आहे. (Maratha Protest)

दोन दिवसांपूर्वी भाजप आमदार प्रसाद लाड यांनी जरांगे पाटील यांची भेट घेतली होती. या भेटीदरम्यान दिलेल्या आश्वासनानंतर जरांगे पाटील यांनी पाणी पिले होते. मात्र, त्यानंतर त्यांनी सरकारला दोन दिवसांचा वेळ दिला होता. (Maratha Protest)

सरकारकडून अपेक्षित निर्णय न झाल्याने जरांगे पाटील यांनी उपोषण सोडण्यास नकार दिला आहे. त्यामुळे मराठा आरक्षणाच्या मुद्द्यावरून राज्यातील राजकीय आणि सामाजिक वातावरण पुन्हा एकदा तापण्याची चिन्हे आहेत. (Maratha Protest)

Maratha Protest : मराठा आंदोलकांवरील ८१ ‘गंभीर’ गुन्हे मागे घेण्यास सरकारचा नकार; कारवाई सुरूच राहणार

Maratha Protest : “गोळ्या घातल्या तरी हटणार नाही”, आंदोलकांनी कोर्टचे आदेश धुडकावले