Google map | Accident – गुगल मॅपवरून लोकेशन बघून प्रवास करणे खूपच धोकादायक झाले आहे. काही दिवसांपूर्वी अपूर्ण पुलावरून कार पडून तिघांचा मृत्यू झाला होता. उत्तर प्रदेशातील बरेली जिल्ह्यात गुगल मॅपमुळे पुन्हा एकदा अपघात झाला आहे.

बरेलीच्या इज्जत नगर पोलीस स्टेशन हद्दीतील पिलीभीत रोडवर असलेल्या गुगल मॅपमुळे एक कार कालापूर कॅनॉलमध्ये पडली. गाडीत तीन जण होते. घटनेची माहिती मिळताच पोलिसांचे पथक घटनास्थळी दाखल झाले. पोलिसांनी जेसीबीच्या सहाय्याने गाडी कालव्यातून बाहेर काढली.

सुदैवाने कारमधील तीन जणांचे प्राण वाचले. इज्जत नगर पोलिस स्टेशनचे प्रभारी धनंजव पांडे यांनी सांगितले की, औरैया रहिवासी दिव्यांशु यांचा मुलगा महेंद्र प्रताप सिंह आणि त्याच्यासोबतचे दोन लोक त्यांच्या टाटा टागोर कारमधून निघाले होते.

सॅटेलाईटद्वारे गुगल मॅपच्या मदतीने ते पिलीभीतला जात होते. कालापूर कालव्याने बरकापूर तिराहा गावाजवळचा रस्ता कापला आहे. यामुळे कार कालव्यात पलटी झाली. कारमधील तिघेजण थोडक्यात बचावले. क्रेनच्या साह्याने गाडी बाहेर काढण्यात आली.

24 नोव्हेंबर रोजी ही घटना घडली होती :
गुगल मॅपवर चुकीचा मार्ग दाखवल्यामुळे 24  नोव्हेंबर रोजी बरेली येथे भीषण अपघात झाला. बदायूंमधील दातागंज ते बरेलीतील फरीदपूर या रस्त्यावर मुडा गावाजवळ एक पूल आहे, जो अपूर्ण आहे.

24 नोव्हेंबर रोजी कारमधून प्रवास करणारे तीन जण अपघाताचे बळी ठरले. गुगल मॅपच्या मदतीने तो पुढे गेला आणि पूल संपताच त्याची कार 20 फूट खाली पडली, त्यात तिघांचा मृत्यू झाला. या घटनेत पीडब्ल्यूडीचाही मोठा निष्काळजीपणा समोर आला आहे. पोलिसांनी गुगलला नोटीसही बजावली आहे.

नकाशा अपडेट करणे गरजेचे :
चुकीचा रस्ता दाखवून होत असलेल्या अपघाताबद्दल बोलताना, गुगल मॅपचे कर्मचारी म्हणाले की, अजूनही अनेक लोक जुन्याच नकाशावर अवलंबून असतात. त्यांनी वेळोवेळी गुगल मॅप अपडेट करणे आवश्यक असते. म्हणजे अशा दुर्घटना होत नाहीत.