Santosh Nair : मल्याळम चित्रपटसृष्टीतून एक दुःखद बातमी समोर आली आहे. प्रसिद्ध अभिनेते संतोष नायर यांचे एका रस्ते अपघातात निधन झाले आहे. ही अपघाताची घटना केरळमधील पतनमथिट्टा येथील एनाथूमध्ये घडली. त्यांच्या कारला ट्रकची जोरदार धडक बसली आणि अपघाताची घटना घडली. या अपघातात त्यांची पत्नी शुभाश्री यादेखील गंभीर जखमी झाल्या असून त्यांच्यावर रुग्णालयात उपचार सुरू आहेत. संतोष नायर यांच्या निधमामुळे मल्याळम चित्रपटसृष्टीवर शोककळा पसरली असून, त्यांच्या कुटुंबातील सदस्यांना मोठा धक्का बसला आहे. नेमकं काय घडलं ? (Santosh Nair) मिळालेल्या माहितीनुसार, केरळमधील पठाणमथिट्टा जिल्ह्यात मंगळवारी ५ मे रोजी सकाळी भीषण अपघाताची घटना घडली. हा अपघात आदूरजवळील पीथुसेरी येथे एमसी रोडवर झाला. संतोष नायर यांची इनोवा कार आणि एका ट्रकची समोरासमोर धडक झाली. या अपघातानंतर संतोष नायर यांना तातडीने रुग्णालयात दाखल करण्यात आले. मात्र, उपचारादरम्यान त्यांना हृदयविकाराचा झटका आला आणि त्यांचे निधन झाले. तर त्यांची पत्नी शुभाश्री गंभीररीत्या जखमी झाल्या आहेत. त्यांची प्रकृती चिंताजनक असल्याचे सांगण्यात येत आहे. कोण होते संतोष नायर? Santosh Nair : मल्याळम चित्रपटसृष्टीवर शोककळा! प्रसिद्ध अभिनेत्याचे अपघाती निधन, पत्नीची प्रकृती चिंताजनक १२ नोव्हेंबर १९६० रोजी तिरुवनंतपुरम येथे जन्मलेले संतोष केशवन नायर असे त्यांचे संपूर्ण नाव आहे. एका सुशिक्षित कुटुंबात त्यांचा जन्म झाला. त्यांचे वडील सी. एन. केशवन नायर हे एक निवृत्त प्राचार्य होते. तर त्यांची आई पी. राजलक्ष्मीअम्मा यादेखील एक निवृत्त शिक्षिका होत्या. आई-वडील इथिओपियाला स्थलांतरित झाल्यानंतर त्यांचे पालनपोषण त्यांच्या आजी-आजोबांनी केले. त्यांनी सेंट जोसेफ हायर सेकंडरी स्कूलमधून आपले शालेय शिक्षण पूर्ण केले. ( Santosh Nair) १९८२ मध्ये ‘इथू नांगलुडे कथा’ या चित्रपटाद्वारे संतोष नायर यांनी चित्रपटसृष्टीत पदार्पण केले. त्यांनी १०० हून अधिक चित्रपटांमध्ये खलनायक, मुख्य भूमिका, सहाय्यक भूमिका आणि विनोदी भूमिका साकारल्या आहेत. त्यांचा नवीन चित्रपट ‘मोहिनीअट्टम’ सध्या चित्रपटगृहांमध्ये सुरू आहे. हा चित्रपट आता त्यांचा शेवटचा पडद्यावरील अभिनय ठरणार आहे. हेही वाचा : Donald Trump on iran: “मी तुम्हाला जगाच्या नकाशावरून पुसून टाकीन” ; अमेरिकी जहाजांवर इराणने केलेल्या हल्यानंतर ट्रम्पची आक्रमक धमकी