SSC Result 2026 : उमरगा तालुक्यातील गायत्री पाटील हिने दहावीच्या परीक्षेत शंभर टक्के गुण मिळवत उल्लेखनीय यश संपादन केले आहे. यंदाच्या दहावीच्या निकालात १७९ विद्यार्थ्यांनी १०० पैकी १०० गुण मिळवले असून त्यामध्ये गायत्रीचाही समावेश आहे. तिच्या यशामुळे कुटुंबासह संपूर्ण गावात आनंदाचे वातावरण आहे. (SSC Result 2026) गायत्रीने डॉ. के. डी. इंग्लिश स्कूल मधून शिक्षण घेतले. तिला मुख्य विषयांमध्ये ५०० पैकी ४९२ गुण मिळाले, तर संगीत विषयातील अतिरिक्त ८ गुण मिळाल्यामुळे तिची एकूण टक्केवारी १०० झाली. (SSC Result 2026) अभ्यासासोबतच गायत्रीने संगीताची आवडही जपली. नियमित अभ्यास, शिस्त आणि मेहनतीच्या जोरावर हे यश मिळाल्याचे तिने सांगितले. “सुरुवातीपासूनच चांगले गुण मिळवण्याची इच्छा होती. रोज सकाळी लवकर उठून अभ्यास केला. आता डॉक्टर होऊन आई-वडिलांचे स्वप्न पूर्ण करायचे आहे,” अशी प्रतिक्रिया गायत्रीने दिली. (SSC Result 2026) SSC Result 2026 : गायत्री पाटीलची दहावीत मोठी झेप! १०० पैकी १०० गुण मिळवून घडवला इतिहास; आता डॉक्टर होण्याचं स्वप्न गायत्री सध्या NEET परीक्षेची तयारी करत असून भविष्यात डॉक्टर बनण्याचे तिचे ध्येय आहे. तिच्या या यशामुळे उमरगा तालुक्याचे नाव राज्यभरात उज्ज्वल झाले आहे. (SSC Result 2026)
