Gautam Gambhir Sets World Record : भारतीय संघाने आशिया चषक 2025 च्या अंतिम सामन्यात पाकिस्तानवर 5 गडी राखून दणदणीत विजय मिळवला. या विजयासह नवव्यांदा आशिया चषकावर आपले नाव कोरले आणि सर्वाधिक यशस्वी संघ म्हणून आपली ओळख कायम राखली. या सामन्यासह भारताने या स्पर्धेत सर्व सात सामने जिंकले. विशेष म्हणजे, या विजयाने भारताचे मुख्य प्रशिक्षक गौतम गंभीरने एक अभूतपूर्व जागतिक विक्रम केला. तो खेळाडू आणि मुख्य प्रशिक्षक अशा दोन्ही भूमिकांमध्ये आशिया चषक आणि आयसीसी स्पर्धा जिंकणारा जगातील पहिला क्रिकेटपटू ठरला आहे.

गौतम गंभीरचा विक्रमी प्रवास –

गंभीरने खेळाडू म्हणून 2007 चा टी-20 विश्वचषक, 2010 चा आशिया चषक आणि 2011 चा एकदिवसीय विश्वचषक जिंकला होता. जुलै 2024 मध्ये भारतीय संघाचे मुख्य प्रशिक्षक म्हणून नियुक्ती झाल्यापासून त्याने मार्च 2025 मध्ये आयसीसी चॅम्पियन्स ट्रॉफी आणि आता 28 सप्टेंबर 2025 रोजी आशिया चषक जिंकून आपला दबदबा कायम ठेवला. चॅम्पियन्स ट्रॉफीमध्येही भारताने एकही सामना न गमावता विजेतेपद पटकावले होते. गंभीरच्या मार्गदर्शनाखाली भारताने बहु-राष्ट्रीय स्पर्धांमध्ये सर्व सामने जिंकले आहेत.

With Gautam Gambhir at the helm, India’s journey has seen both highs and lows. 🇮🇳🙌🏼

How would you rate his tenure as Head Coach? ✍🏼#Cricket #GautamGambhir #Sportskeeda pic.twitter.com/5Hhl0K3O4d

— Sportskeeda (@Sportskeeda) September 29, 2025

गौतम गंभीरने आतापर्यंत जिंकलेल्या आयसीसी स्पर्धा:

• टी -20 विश्वचषक 2007 – खेळाडू
• आशिया चषक 2010 – खेळाडू
• एकदिवसीय विश्वचषक 2011- खेळाडू
• आयसीसी चॅम्पियन्स ट्रॉफी 2025 – मुख्य प्रशिक्षक
• आशिया चषक 2025 – मुख्य प्रशिक्षक

हेही वाचा – IND vs PAK : अबरारच्या सेलिब्रेशनची खिल्ली ते अभिषेकसोबत रील, अर्शदीपने पाकिस्तानी खेळाडूंना केले ट्रोल, पाहा VIDEO

गंभीरने रवि शास्त्रींवर केली मात –

यापूर्वी रवि शास्त्री यांनीही खेळाडू म्हणून आयसीसी स्पर्धा आणि एशिया चषक (दोनदा) तसेच मुख्य प्रशिक्षक म्हणून 2018 चा एशिया चषक जिंकला होता. मात्र, मुख्य प्रशिक्षक म्हणून त्यांना आयसीसी स्पर्धा जिंकता आली नाही. गंभीरने ही कमतरता पूर्ण करत हा अनोखा विक्रम आपल्या नावावर केला.

हेही वाचा – IND vs PAK : ‘जेव्हा देशाचा नेता स्वतः फ्रंट फुटवर बॅटिंग करतो, तेव्हा….’, सूर्यकुमार यादवकडून पंतप्रधान मोदींचे कौतुक

बीसीसीआयकडून 21 कोटींचे बक्षीस जाहीर –

या विजयानंतर बीसीसीआयने भारतीय संघासाठी 21 कोटी रुपयांच्या बक्षिसाची घोषणा केली. यापूर्वी चॅम्पियन्स ट्रॉफी 2025 साठी 58 कोटी आणि टी-20 विश्वचषक 2024 साठी 125 कोटी रुपयांचे बक्षीस जाहीर झाले होते. गेल्या 15 महिन्यांत तीन मोठ्या स्पर्धा जिंकून भारतीय संघाला एकूण 204 कोटी रुपयांचे बक्षीस मिळाले आहे.