Ganeshotsav 2026 – पिंपरी-चिंचवड महापालिकेच्या वतीने गणेशोत्सव २०२६ च्या अनुषंगाने शहरातील गणेश मंडळांना परवाने देण्याची प्रक्रिया पूर्ण करण्यात आली आहे. क्षेत्रीय कार्यालयनिहाय आतापर्यंत एकूण १११ गणेश मंडळांना परवाने देण्यात आले आहेत. तसेच गणेशमूर्ती विसर्जनासाठी शहरात एकूण १०४ विसर्जन ठिकाणांची व्यवस्था करण्यात आली आहे.

क्षेत्रीय कार्यालयानुसार ब क्षेत्रीय कार्यालय २३, क २, ड १६, इ १५, फ १७, ग २०, ह १५, ज २ आणि ल १ अशी एकूण १११ मंडळांना परवानगी देण्यात आली आहे. गणेशमूर्ती विसर्जनासाठी क्षेत्रीय कार्यालयनिहाय अ क्षेत्रीय कार्यालय १०, ब १४, क १२, ड १२, इ १३, फ ११, ग ६, ह १२, ज ९ आणि ल ५ अशा एकूण १०४ विसर्जन ठिकाणांची व्यवस्था करण्यात आली आहे.

गणेशोत्सव काळात नागरिकांना कोणतीही अडचण निर्माण होऊ नये, तसेच गणेशमूर्तींचे विसर्जन सुरक्षित व पर्यावरणपूरक पद्धतीने करता यावे, यासाठी महापालिका प्रशासनाकडून आवश्यक नियोजन करण्यात आले आहे. नागरिकांनी महापालिकेने उपलब्ध करून दिलेल्या विसर्जन ठिकाणांचा वापर करून प्रशासनास सहकार्य करावे, असे आवाहन करण्यात आले आहे.

“गणेशोत्सव हा आपल्या शहरातील नागरिकांच्या श्रद्धा आणि उत्साहाचा सण आहे. हा उत्सव आनंदमय, शिस्तबद्ध आणि सुरक्षित वातावरणात पार पडावा, यासाठी महापालिकेच्या माध्यमातून आवश्यक नियोजन करण्यात आले आहे. गणेश मंडळांना परवाने देण्याची प्रक्रिया पूर्ण करण्यात आली असून, विसर्जनासाठीही मोठ्या प्रमाणात व्यवस्था करण्यात आली आहे. नागरिकांनी पर्यावरणपूरक पद्धतीने गणेशमूर्तींचे विसर्जन करून महापालिका प्रशासनास सहकार्य करावे.”
– रवि लांडगे, महापौर