Congress Leader : काँग्रेसचे माजी प्रदेशाध्यक्ष आणि माजी कॅबिनेट मंत्र्यांचे निधन; राजकीय वर्तुळात शोककळा
Congress Leader : हरियाणा काँग्रेसचे माजी प्रदेशाध्यक्ष आणि माजी कॅबिनेट मंत्री चौधरी फूलचंद मुलाना यांचे शुक्रवारी सकाळी ९ वाजताच्या सुमारास निधन झाले.

Congress Leader : हरियाणा काँग्रेसचे माजी प्रदेशाध्यक्ष आणि माजी कॅबिनेट मंत्री चौधरी फूलचंद मुलाना यांचे शुक्रवारी (२० नोव्हेंबर) सकाळी निधन झाले. ते ८५ वर्षांचे होते. गेल्या काही दिवसांपासून ते आजाराने त्रस्त होते. त्यांच्या निधनाची माहिती त्यांचे पुत्र आणि अंबाला लोकसभा मतदारसंघाचे काँग्रेस खासदार वरुण चौधरी यांनी सोशल मीडियाद्वारे दिली. या वृत्ताने हरियाणाच्या राजकीय वर्तुळात शोककळा पसरली आहे. (Congress Leader)
साडेसहा वर्षे सांभाळली प्रदेशाध्यक्षपदाची जबाबदारी
चौधरी फूलचंद मुलाना हे हरियाणा काँग्रेसमधील ज्येष्ठ नेत्यांपैकी एक होते. त्यांनी ऑगस्ट २००७ ते फेब्रुवारी २०१४ या कालावधीत सुमारे साडेसहा वर्षे हरियाणा प्रदेश काँग्रेसचे अध्यक्षपद सांभाळले. पक्षाच्या राज्यातील संघटनेची धुरा दीर्घकाळ सांभाळणारे नेते म्हणून त्यांची ओळख होती. (Congress Leader)
मुलाना विधानसभा मतदारसंघातून ते चार वेळा आमदार म्हणून निवडून आले होते. हरियाणा सरकारमध्ये कॅबिनेट मंत्री म्हणूनही त्यांनी विविध महत्त्वाच्या खात्यांची जबाबदारी सांभाळली होती. (Congress Leader)
राजकीय वारसा पुढच्या पिढीकडे
फूलचंद मुलाना यांचे पुत्र वरुण चौधरी हे अंबाला लोकसभा मतदारसंघाचे काँग्रेस खासदार आहेत. तर त्यांच्या सून पूजा चौधरी या मुलाना विधानसभा मतदारसंघाच्या आमदार आहेत. वरुण चौधरी यांनी सोशल मीडिया पोस्टद्वारे वडिलांच्या निधनाची माहिती दिली. (Congress Leader)
भूपेंद्र सिंह हुड्डा यांच्याकडून शोक व्यक्त
हरियाणा विधानसभेतील विरोधी पक्षनेते आणि माजी मुख्यमंत्री भूपेंद्र सिंह हुड्डा यांनीही मुलाना यांच्या निधनावर दुःख व्यक्त केले. सोशल मीडिया प्लॅटफॉर्म ‘एक्स’वरील पोस्टमध्ये त्यांनी फूलचंद मुलाना यांना आपले जवळचे सहकारी आणि काँग्रेस सरकारमधील माजी मंत्री म्हणून संबोधले. त्यांच्या निधनाने वैयक्तिक नुकसान झाल्याची भावना हुड्डा यांनी व्यक्त केली. (Congress Leader)
चौधरी फूलचंद मुलाना यांच्या निधनामुळे हरियाणाच्या राजकारणातील एका ज्येष्ठ नेत्याची प्रदीर्घ राजकीय कारकीर्द संपुष्टात आली आहे. त्यांच्या निधनाबद्दल विविध राजकीय नेत्यांकडून शोक व्यक्त केला जात आहे. (Congress Leader)
Congress Leader : काँग्रेसच्या ज्येष्ठ नेत्याचे निधन; राजकीय वर्तुळात शोककळा
Congress Leader : काँग्रेसचा अनुभवी चेहरा हरपला; राहुल गांधींनी केले दु:ख व्यक्त





