Political News : काँग्रेसचे ज्येष्ठ नेते आणि कर्नाटकचे माजी मुख्यमंत्री सिद्धारमैया यांनी भविष्यात कोणतीही निवडणूक न लढवण्याची घोषणा केल्याने राजकीय वर्तुळात खळबळ उडाली आहे. सोशल मीडियावरील पोस्टद्वारे त्यांनी 2028 ची कर्नाटक विधानसभा निवडणूक लढवणार नसल्याचे स्पष्ट केले. मात्र, जनतेसाठी आणि पक्षासाठी सक्रिय राहणार असल्याचेही त्यांनी सांगितले. (Political News)

सिद्धारमैया यांनी आपल्या पोस्टमध्ये सध्याच्या राजकारणावरही तीव्र नाराजी व्यक्त केली. “आजचे राजकारण पूर्णपणे भ्रष्ट झाले आहे. निवडणूक जिंकण्यासाठी पैशांचा मोठ्या प्रमाणावर वापर केला जात आहे. प्रामाणिक लोकांसाठी राजकारणात जागा उरलेली नाही,” असे ते म्हणाले. (Political News)

वरुणा विधानसभा मतदारसंघातील नागरिकांनी पुन्हा निवडणूक लढवावी, अशी इच्छा व्यक्त केली असल्याचे सांगत त्यांनी हा निर्णय वैयक्तिक कारणांमुळे घेतल्याचे स्पष्ट केले. “माझे वय आता 79 वर्षे आहे. सरकारचा उर्वरित कार्यकाळ पूर्ण होईपर्यंत मी 82 वर्षांचा असेन. पूर्वीसारखी तब्येत साथ देत नसल्याने पूर्ण क्षमतेने जनतेची सेवा करणे कठीण होत आहे. त्यामुळे यापुढे कोणतीही निवडणूक लढवणार नाही,” असे त्यांनी म्हटले. (Political News)

सिद्धारमैया यांनी आपल्या दीर्घ राजकीय प्रवासाची आठवण करून देताना सांगितले की, सुरुवातीच्या काळात लोक स्वखर्चाने निधी गोळा करून त्यांना निवडणूक लढवण्यास मदत करत होते. मात्र, काळ बदलला असून सध्याची राजकीय व्यवस्था मोठ्या प्रमाणात बदलल्याची खंत त्यांनी व्यक्त केली. गेल्या पाच दशकांपासून कर्नाटकच्या जनतेने दिलेल्या पाठिंब्याबद्दल त्यांनी आभार मानले आणि पुढे निवडणूक न लढवण्याचा निर्णय कायम असल्याचे स्पष्ट केले. (Political News)

दरम्यान, कर्नाटक विधानसभा निवडणुकीला अवघा काही काळ शिल्लक असताना सिद्धारमैया यांच्या या घोषणेची जोरदार चर्चा सुरू झाली असून, त्यांच्या निर्णयाचा काँग्रेसच्या भविष्यातील राजकीय रणनीतीवर काय परिणाम होणार, याकडे सर्वांचे लक्ष लागले आहे. (Political News)

Political News : मोठी घडामोड..! माजी मुख्यमंत्र्यांच्या विश्वासू नेत्यानं साथ सोडली; राजकीय वर्तुळात खळबळ

Political News : राजकीय भूकंप..! राष्ट्रपतींचा तडका फडकी राजीनामा, देशात खळबळ