Aaron Summers Guilty Child Sexual Exploitation Court Verdict : ऑस्ट्रेलियाच्या देशांतर्गत क्रिकेट वर्तुळातून आणि बिग बॅश लीग (BBL) मधून एक अत्यंत धक्कादायक आणि लाजिरवाणी बातमी समोर आली आहे. होबार्ट हरिकेन्स आणि टास्मानिया टायगर्सचा माजी वेगवान गोलंदाज ॲरॉन विल्यम समर्स याला अल्पवयीन मुलीवरील लैंगिक अत्याचार आणि शोषणाप्रकरणी जेलची हवा खावी लागणार आहे. जूनच्या अखेरच्या आठवड्यात टास्मानियाच्या सर्वोच्च न्यायालयात समर्सने बाल लैंगिक शोषण आणि ग्रूमिंगशी संबंधित दोन गंभीर आरोपांमध्ये आपला गुन्हा कबूल केला आहे. कोर्ट या प्रकरणी ऑगस्ट महिन्यात त्याला अधिकृत शिक्षा सुनावणार आहे.

सोशल मीडियावर जाळ्यात ओढून शाळेत केला अत्याचार –

कोर्टाच्या दस्तऐवजांनुसार, हा संपूर्ण प्रकार १६ जानेवारी २०१८ रोजी घडला होता, जेव्हा समर्स होबार्ट हरिकेन्स संघाचा भाग होता. वेगवान गोलंदाज ॲरॉन समर्सने सोशल मीडियाच्या माध्यमातून एका १५ वर्षांच्या अल्पवयीन मुलीशी संपर्क साधला आणि तिला जाळ्यात ओढले. यानंतर त्याने त्या मुलीला तिच्या घराजवळून आपल्या कारमध्ये बसवले आणि एका स्थानिक शाळेत नेऊन तिच्यावर लैंगिक अत्याचार केले.

न्यायाधीशांनी दयेची मागणी फेटाळली, तात्काळ कोठडीत रवानगी –

🚨 Aussie Cricketer Faces Jail 🚨

Former player Aaron Summers pleaded guilty to child sexual abuse.

The crimes occurred in 2018 while he was with the Hobart Hurricanes.

He has previously served time for other child‑exploitation offences.

A Tasmanian court refused a…

— IPO LENS 🇮🇳 𝕏 (@Ipo_lens) July 2, 2026

सुनावणीदरम्यान समर्सच्या वकिलांनी असा युक्तिवाद केला की, ही घटना समर्सच्या अत्यंत ‘कठिन काळात’ घडली होती, जेव्हा तो नैराश्यात होता आणि सोशल मीडियाचा अतिवापर करत होता. वकिलांनी त्याला सुधारण्याची संधी देण्याची विनंती केली; मात्र न्यायमूर्ती हेलन वूड यांनी दयेची ही मागणी थेट फेटाळून लावली. यानंतर, जामिनावर बाहेर असलेल्या समर्सला कोर्टातूनच थेट पोलीस कोठडीत घेण्यात आले.

हेही वाचा – Belgium Epic Comeback : १२५ व्या मिनिटाला गोल अन् सेनेगलचा हृदयद्रावक पराभव! बेल्जियमने सर्वात ‘लेट’ गोल करत रचला इतिहास

यापूर्वीही भोगली आहे जेलची हवा –

ॲरॉन समर्स बाल लैंगिक गुन्ह्यात अडकण्याची ही पहिलीच वेळ नाही. यापूर्वी २०२१ मध्ये त्याला नॉर्दर्न टेरिटरीमध्ये लहान मुलांचे अश्लील साहित्य बाळगणे आणि ते प्रसारित करणे या गुन्ह्याखाली दोषी ठरवून जेलची शिक्षा सुनावण्यात आली होती. समर्सने २०१७ च्या शेवटी होबार्ट हरिकेन्ससाठी एक सामना खेळला होता, तसेच टास्मानियासाठी ३ वनडे सामने खेळले होते. याशिवाय त्याने पाकिस्तान सुपर लीगमध्ये २ सामने खेळले असून तो इंग्लंडमध्ये व्यावसायिक क्रिकेट खेळण्याच्या तयारीत होता.