Satara News : सातारा जिल्हा मध्यवर्ती सहकारी बँकेच्या निवडणुकीत महत्त्वाची घडामोड घडली आहे. खासदार उदयनराजे भोसले यांची संचालकपदी बिनविरोध निवड निश्चित झाली आहे. त्यांच्या विरोधात उमेदवारी अर्ज दाखल केलेले ज्ञानेश्वर पवार यांनी माघार घेतल्याने उदयनराजेंच्या निवडीचा मार्ग मोकळा झाला. ही उदयनराजेंची जिल्हा बँकेवरील सलग दुसरी बिनविरोध निवड ठरली आहे. (Satara News)

उदयनराजे भोसले यांनी गृहनिर्माण व दुग्ध संस्था मतदारसंघातून उमेदवारी अर्ज दाखल केला होता. त्यांच्या विरोधात ज्ञानेश्वर पवार यांनीही अर्ज भरला होता. मात्र, अर्ज माघारीच्या प्रक्रियेत पवार यांनी आपला उमेदवारी अर्ज मागे घेतला. छत्रपतींच्या गादीचा सन्मान आणि आदर म्हणून आपण अर्ज मागे घेतल्याचे पवार यांनी सांगितले आहे. (Satara News)

2021 च्या जिल्हा बँक निवडणुकीतही उदयनराजे भोसले यांची याच मतदारसंघातून बिनविरोध निवड झाली होती. त्यामुळे यंदाची निवड ही त्यांची जिल्हा बँकेवरील दुसरी बिनविरोध निवड आहे. (Satara News)

‘पदाची अपेक्षा नाही, सर्वसामान्यांचा उत्कर्ष हीच भूमिका’

बिनविरोध निवडीनंतर उदयनराजे भोसले यांनी जिल्हा बँकेच्या कामकाजाबाबत आपली भूमिका मांडली. सहकारी संस्थांमध्ये राजकारण आल्यास त्यांच्या कामकाजावर परिणाम होऊ शकतो, असे मत त्यांनी यापूर्वीही व्यक्त केले आहे. जिल्हा बँकेच्या माध्यमातून शेतकरी, कष्टकरी आणि उपेक्षित घटकांची अधिकाधिक सेवा व्हावी, हा आपला उद्देश असल्याचे त्यांनी सांगितले होते. (Satara News)

जिल्हा बँकेला अनेक पुरस्कार मिळाले असून तिची चांगली प्रतिमा कायम राहावी, अशी अपेक्षाही त्यांनी व्यक्त केली. संचालकपदामागे वैयक्तिक स्वार्थ नसून सर्वसामान्यांची प्रगती आणि उत्कर्ष हीच भूमिका असल्याचे उदयनराजे यांनी सांगितले. (Satara News)

दरम्यान, राज्यातील दुष्काळी परिस्थितीच्या पार्श्वभूमीवर जिल्हा बँकेच्या निवडणुका पुढे ढकलल्या जाणार का, असा प्रश्न विचारण्यात आला. त्यावर निवडणुका पुढे ढकलण्याचा निर्णय हा शासन पातळीवर घेतला जाईल, असे उदयनराजे यांनी स्पष्ट केले. (Satara News)

सातारा जिल्हा मध्यवर्ती सहकारी बँकेच्या 21 जागांसाठी निवडणूक प्रक्रिया सुरू असून, अर्ज माघारीनंतर विविध मतदारसंघांतील अंतिम चित्र स्पष्ट होणार आहे. या निवडणुकीकडे जिल्ह्यातील सहकार आणि राजकीय वर्तुळाचे लक्ष लागले आहे. (Satara News)

Satara News : बिबट्याच्या हल्ल्यात दोन वर्षांच्या चिमुरड्याचा मृत्यू; साताऱ्यातील घटनेने हळहळ