Allu Arjun : साऊथ सुपरस्टार अल्लू अर्जुनने अनेक चित्रपटांमध्ये काम केले आहे, परंतु ‘पुष्पा’ चित्रपटाने त्याला रातोरात स्टार बनवले. या चित्रपटामुळे अल्लू जगभरात प्रसिद्ध झाला आणि या चित्रपटासाठी त्याला सर्वोत्कृष्ट अभिनेत्याचा राष्ट्रीय पुरस्कारही मिळाला. त्याच वेळी, पुष्पा २ च्या ऐतिहासिक यशाने त्याला मोठ्या उंचीवर नेले. आता अल्लू अर्जुनने ‘पॅरलल युनिव्हर्स’ या मोठ्या बजेटच्या चित्रपटासाठी दिग्दर्शक अॅटलीसोबत हातमिळवणी केली आहे. या चित्रपटाची तयारी जोरात सुरू आहे. अॅटलीचा हा चित्रपट सन पिक्चर्सच्या बॅनरखाली तयार केला जात आहे. या अद्भुत चित्रपटाची सुरुवात एका खास घोषणेसह होणार आहे. अल्लू अर्जुन या चित्रपटासाठी मोठी रक्कम घेतली आहे आणि आज तो भारतातील सर्वात महागडा अभिनेता बनला आहे. या चित्रपटासाठी अल्लू अर्जुनने १७५ कोटी रुपयांचा करार केला आहे. यासोबतच तो चित्रपटाच्या नफ्यातील १५ टक्के वाटाही तो घेणार आहे. आजच्या काळात कोणत्याही अभिनेत्याने केलेला हा सर्वात मोठा करार आहे. चित्रपटाचे चित्रीकरण कधी सुरू होईल? अल्लू अर्जुनने ऑगस्ट २०२५ मध्ये ‘अॅटली’साठी त्याच्या तारखा बुक केल्या आहेत. मिळालेल्या माहितीनुसार, चित्रपटाचे चित्रीकरण ऑगस्ट ते ऑक्टोबर दरम्यान सुरू होईल. या चित्रपटात प्रेक्षकांना राजकारणापासून नाटकापर्यंत सर्व काही पाहायला मिळेल. या चित्रपटातून प्रेक्षकांना एक वेगळे जग पहायला मिळेल. हा संपूर्ण VFX ने भरलेला सिनेमा आहे. हा प्रकल्प अल्लू आणि अॅटली दोघांसाठीही खूप महत्त्वाकांक्षी आहे आणि तो भव्य करण्यासाठी कोणतीही कसर सोडली जाणार नाही. ‘पुष्पा २’ च्या ब्लॉकबस्टर यशानंतर, सर्वजण अल्लूच्या पुढील चित्रपटाची आतुरतेने वाट पाहत आहेत. या चित्रपटानंतर, अभिनेत्याला अनेक प्रोजेक्ट्स मिळाले, ज्यामध्ये त्याला केवळ दक्षिणेकडूनच नाही तर कन्नड ते मल्याळम चित्रपट उद्योगातूनही ऑफर येत आहेत.
