Ganesh Naik : राज्याचे वनमंत्री गणेश नाईक यांच्या मुंबईतील शासकीय निवासस्थानाला आग लागल्याची घटना समोर आली आहे. मंत्रालयासमोरील ‘पावनगड’ या बंगल्यात दुपारच्या सुमारास ही आग लागली. बंगल्यातील एसीमध्ये शॉर्ट सर्किट झाल्याने आग लागल्याचा प्राथमिक अंदाज व्यक्त करण्यात येत आहे. अग्निशमन दलाच्या जवानांनी तातडीने घटनास्थळी धाव घेत काही वेळातच आगीवर नियंत्रण मिळवले. सुदैवाने या दुर्घटनेत कोणतीही जीवितहानी झाली नाही. (Ganesh Naik)

एसीमधील शॉर्ट सर्किटमुळे आग लागल्याचा अंदाज

मिळालेल्या माहितीनुसार, मंत्रालयासमोरील ‘पावनगड’ बंगल्यात अचानक आग लागल्याचे निदर्शनास आले. आगीची माहिती मिळताच अग्निशमन दलाच्या गाड्या घटनास्थळी दाखल झाल्या. जवानांनी तातडीने बचावकार्य सुरू करत आगीवर नियंत्रण मिळवले. (Ganesh Naik)

आग लागल्याचे समजताच बंगल्यातील कर्मचाऱ्यांची धावपळ उडाली. प्राथमिक माहितीनुसार, एसीमधील शॉर्ट सर्किटमुळे आग लागली असावी, असा अंदाज व्यक्त करण्यात आला आहे. (Ganesh Naik)

घटनेवेळी गणेश नाईक बंगल्यात नव्हते

विशेष म्हणजे, आग लागली त्यावेळी वनमंत्री गणेश नाईक बंगल्यात उपस्थित नव्हते. महानगरपालिका प्रशासनाच्या माहितीनुसार, आगीची तीव्रता ‘लेव्हल वन’ स्वरूपाची होती. आग पूर्णपणे आटोक्यात आली असून परिस्थिती नियंत्रणात असल्याची माहिती गणेश नाईक यांच्या कार्यालयाकडून देण्यात आली आहे. (Ganesh Naik)

बंगल्याचे किती नुकसान झाले?

या आगीमुळे बंगल्याचे नेमके किती नुकसान झाले, याची माहिती अद्याप स्पष्ट झालेली नाही. एसीमधील शॉर्ट सर्किट हेच आगीचे कारण होते का, याचा तपास केला जाणार आहे. सुदैवाने या घटनेत कोणालाही दुखापत झाली नाही. (Ganesh Naik)

मंत्रालय परिसरात चर्चांना उधाण

मंत्रालयासमोरील परिसरात अनेक मंत्र्यांचे शासकीय बंगले आणि राजकीय पक्षांची कार्यालये आहेत. याच परिसरात मंत्री आदिती तटकरे, नितेश राणे, सचिन अहिर आणि दादा भुसे यांचेही शासकीय निवासस्थान असल्याची माहिती आहे. त्यामुळे राजकीयदृष्ट्या महत्त्वाच्या असलेल्या या परिसरात मंत्र्यांच्या बंगल्याला आग लागल्याने काही काळ खळबळ उडाली होती. (Ganesh Naik)

Ganesh Naik : बड्या मंत्र्याच्या शासकीय घराला आग; अग्निशमन दलाच्या जवानांकडून शर्थीचे प्रयत्न सुरू