FIFA World Cup 2026 Total Prize Money : क्रीडा जगतातील सर्वात मोठा आणि प्रतिष्ठेचा महाकुंभ म्हणजेच ‘फिफा फुटबॉल विश्वचषक २०२६’ स्पर्धेला ११ जून (भारतीय वेळेनुसार १२ जूनच्या मध्यरात्री) पासून दिमाखात सुरुवात झाली आहे. अमेरिका, कॅनडा आणि मेक्सिको यांच्या संयुक्त यजमानपदाखाली तब्बल ३९ दिवस चालणाऱ्या या मेगा इव्हेंटमध्ये पहिल्यांदाच ४८ संघ आमनेसामने येत आहेत.

एकूण १६ मैदानांवर रंगणाऱ्या या स्पर्धेत फायनलसह तब्बल १०४ सामने खेळवले जाणार आहेत. या ऐतिहासिक स्पर्धेची सुरुवात होण्यापूर्वी ‘फिफा’ने बक्षीसांच्या रकमेची (Prize Pool) अधिकृत घोषणा केली असून, यंदा पैशांचा महापूर पाहायला मिळणार आहे. गेल्या विश्वचषकाच्या तुलनेत यंदा बक्षीसांच्या रकमेत तब्बल ५० टक्क्यांची विक्रमी वाढ करण्यात आली आहे.

विजेत्या संघाला मिळणार ४७६ कोटी रुपये –

The 2026 FIFA World Cup will offer a record-breaking prize pool of over ₹6,240 crore, nearly 50% higher than the 2022 edition.
🥇Champions: ₹476 crore
🥈Runners-up: ₹314 crore
⚽️ Even teams exiting early will earn massive payouts.

Swipe through to see the full prize money… pic.twitter.com/YQ1wizk2Tg

— DNA (@dna) June 11, 2026

फिफाने यंदा ६५५ मिलियन यूएस डॉलर्स म्हणजेच भारतीय चलनानुसार तब्बल ६,२४१ कोटी रुपयांच्या एकूण प्राइज पूलची घोषणा केली आहे. या स्पर्धेत जो संघ विश्वविजेता ठरेल आणि चमचमती ट्रॉफी उंचावेल, त्याला तब्बल ५० मिलियन डॉलर्स म्हणजेच ४७६ कोटी रुपये रोख बक्षीस मिळणार आहे. तर उपविजेत्या (Runner-up) संघाला ३३ मिलियन डॉलर्स म्हणजेच ३१४ कोटी रुपयांची घसघशीत रक्कम दिली जाईल. याशिवाय, तिसऱ्या स्थानावरील संघाला २७६ कोटी आणि चौथ्या स्थानावरील संघाला २५७ कोटी रुपये मिळतील.

शेवटच्या ४८ व्या क्रमांकावरील संघही होणार मालामाल –

यंदाच्या विश्वचषकाचे सर्वात मोठे वैशिष्ट्य म्हणजे, यात रिकाम्या हाताने कोणीच घरी परतणार नाही. स्पर्धेत पात्र ठरलेल्या (Qualify) सर्व ४८ संघांना फिफाकडून प्रत्येकी १० मिलियन डॉलर्स (सुमारे ८३ कोटी रुपये) क्वालिफिकेशन फी म्हणून आधीच मिळाले आहेत.

हेही वाचा – Journalist Kissed Live : मैदानात फुटबॉलचा थरार, पण बाहेर महिला फॅन्सचा धुमाकूळ! कॅमेऱ्यासमोरच पत्रकाराला केलं थेट ‘किस’, पाहा VIDEO

त्यामुळे एकूण खर्च जोडल्यास हा आकडा ८,२९९ कोटी रुपयांवर पोहोचतो. गुणतालिकेत सर्वात तळाशी म्हणजेच ४८ व्या क्रमांकावर राहणाऱ्या संघालाही किमान ८६ कोटी रुपये घरबसल्या मिळणार आहेत. ५ ते ८ व्या क्रमांकावरील संघांना प्रत्येकी १८१ कोटी, तर ९ ते १६ व्या क्रमांकावरील संघांना प्रत्येकी १४३ कोटी रुपये दिले जातींल.