Federation Cup 2024 : आशियाई क्रीडा स्पर्धेतील सुवर्णपदक विजेता शॉट पुटर तेजिंदर पाल सिंग तूर आणि लांब उडीपटू जेसविन एल्ड्रिन यांनी राष्ट्रीय फेडरेशन कप सीनियर ऍथलेटिक्स चॅम्पियनशिपमध्ये सुवर्णपदक जिंकले, परंतु पॅरिस ऑलिम्पिकसाठी आवश्यक पात्रता गुणाला स्पर्श करू शकले नाही. याशिवाय राष्ट्रीय विक्रम धारक रोझी मीना पॉलराज हिने मंगळवारी तिसऱ्या दिवशी महिलांच्या पोलव्हॉल्टमध्ये 4.05 मीटर उडी मारत सुवर्णपदक जिंकले.

तेजिंदर पाल सिंग तूरची (Tajinderpal Singh Toor) सर्वोत्कृष्ट कामगिरी 21.77 मीटर आहे, तर पॅरिस ऑलिम्पिक पात्रता 21.50 मीटर आहे, परंतु त्याने येथे 20.38 मीटरसह सुवर्ण जिंकले. मध्य प्रदेशच्या समरदीप सिंग (18.93) आणि यूपीच्या आर्यन त्यागी (18.07) यांनी अनुक्रमे रौप्य आणि कांस्यपदक जिंकले.

एल्ड्रिनने ( Jeswin Aldrin ) 7.99 मीटर उडी मारून सुवर्णपदक जिंकले. केरळच्या मोहम्मद अनीसने 7.83 मीटरसह रौप्य आणि मध्य प्रदेशच्या आदित्य कुमार सिंगने 7.81 मीटरसह कांस्यपदक जिंकले.

Federation Cup 2024 : महाराष्ट्राच्या आभाचा गोळाफेकीत राष्ट्रीय विक्रम…

रोझी मीनाने (Rosy Meena Paulraj) 4.05 मीटरसह पोल व्हॉल्ट सुवर्णपदक जिंकले. रॉसीचा गतवर्षी स्वत: स्थापित केलेला 4.21  मीटरचा राष्ट्रीय विक्रम थोडक्यात चुकला. तामिळनाडूच्या बरनिका एलांगोवनने रौप्य आणि केरळच्या मारिया जेसनने कांस्यपदक जिंकले. याशिवाय आशियाई क्रीडा स्पर्धेतील कांस्यपदक विजेती नंदिनी अगासराने हेप्टॅथलॉनमध्ये सुवर्णपदक जिंकले.