Fariba Hashimi Disguised As Man Won Historic Asian Games Cycling Silver Medal : २१ व्या शतकात जग स्त्रीमुक्ती आणि अंतराळ मोहिमांच्या गप्पा मारत असताना, अफगाणिस्तानसारख्या देशात मुलीने क्रीडांगणावर पाऊल ठेवणे हा आजही गुन्हा ठरतो. अशा अत्यंत भीषण तालिबानी बंधनांना आणि समाजाच्या शोषक मानसिकतेला सुरुंग लावत अफगाणिस्तानची कन्या फरीबा हाशिमीने (Fariba Hashimi) आशियाई क्रीडा स्पर्धा २०२६ (Asian Games 2026) मध्ये इतिहास रचला आहे. महिलांच्या सायकलिंग रोड रेस प्रकारात तिने रौप्यपदक (Silver Medal) जिंकले असून, २००२ नंतर आशियाई स्पर्धेत वैयक्तिक पदक जिंकणारी ती पहिलीच अफगाण महिला क्रीडापटू ठरली आहे.

ओळख लपवून केली सायकलिंग; पुरुषाचे कपडे अन् चेहऱ्यावर मास्क!  (Fariba Hashimi Silver)

अफगाणिस्तानातील फर्याब प्रांतात वाढलेल्या फरीबा आणि तिची बहीण युलदूझ यांना लहानपणापासून सायकलिंगचे भयंकर वेड होते. मात्र, तालिबानच्या सावटाखाली मुलीने सायकल चालवणे म्हणजे थेट मृत्यूला आमंत्रण देण्यासारखे होते. तरीही सरावासाठी फरीबा पुरुषांचे कपडे परिधान करायची, डोक्यावर टोपी घालायची आणि चेहरा ओळखू नये म्हणून मास्क लावायची. सराव करताना संशय आल्यास रस्त्यावरील लोक तिच्यावर दगडफेक करत, काचेच्या बाटल्या भिरकावत; पण फरीबाने सायकलचे पॅडल मारणे कधीही थांबवले नाही.

देश सोडला पण जिद्द नाही; इटलीत घेतला आश्रय!  (Fariba Hashimi Silver)

🇦🇫🥈 HISTORY MADE!

Heartfelt congratulations to Fariba Hashimi on creating history by winning Afghanistan’s first-ever Asian Games silver medal in the Women’s Road Race. Huge moment for ACC, Afghanistan, Afghan women, and the Afghanistan Cycling Community pic.twitter.com/lqHNEWJQBa

— ACC (@ACC_cycling) September 22, 2026

२०२१ मध्ये तालिबान पुन्हा सत्तेवर आल्यानंतर महिलांच्या शिक्षणावर, नोकरीवर आणि क्रीडा सहभागावर संपूर्ण बंदी घालण्यात आली. महिला क्रिकेटपटूंप्रमाणेच फरीबालाही देश सोडून निर्वासित व्हावे लागले. तिने जीव वाचवण्यासाठी इटलीमध्ये आश्रय घेतला; परंतु तिच्या डोळ्यांतील स्वप्न जिवंत राहिले. तिने परदेशात कठोर सराव सुरू ठेवला आणि जपानमधील नागोया येथे सुरू असलेल्या आशियाई स्पर्धेत अफगाणिस्तानच्या नावाने उतरून थेट पोडियम गाठले.

हेही वाचा – Skeet Mixed Bronze : नेमबाजीच्या रेंजवर भारताचा पुन्हा अचूक निशाणा! अनंतजीत-परिनाझ जोडीने स्कीट मिश्र सांघिक प्रकारात जिंकले कांस्य

‘पुढच्या पिढ्यांनी भीतीशिवाय खेळावे’; पदकामागे वेदनेचा इतिहास!  (Fariba Hashimi Silver)

Fariba Hashimi fled Afghanistan after the Taliban returned to power in 2021.

Before that, she used to train dressed as a man in an effort to avoid being attacked, in a country where women’s rights are heavily restricted.

Now in exile, she earned her medal in the women’s road… pic.twitter.com/o7hoOQugby

— Amnesty International (@amnesty) September 23, 2026

ऐतिहासिक रौप्यपदक जिंकल्यानंतर फरीबा म्हणाली, “माझ्या देशातील पुढच्या पिढीतील मुलींनी कोणतीही भीती न बाळगता आपल्या देशाचे प्रतिनिधित्व करावे, हेच माझे स्वप्न आहे.” तिचे हे पदक केवळ एका क्रीडा प्रकारातील यश नसून, शोषक व्यवस्थेविरुद्ध स्वतःच्या अस्तित्वासाठी दिलेल्या एका रक्ताळलेल्या संघर्षाचा जिवंत विजय आहे.