वैद्यकीय शिबिरांची बनवेगिरी उघड
बनावट बिले जमा करून रक्कम लाटली
वैद्यकीय व्यवसायिकासह दोन जनावर गुन्हा दाखल
32,000 रुपयांची बिले देऊन घेतला फायदा
पुणे – राष्ट्रीय आरोग्य अभियानाच्या कार्यक्षेत्रात गेल्यावर्षी मार्च ते नोव्हेंबरदरम्यान देहूरोड कॅन्टोन्मेंट बोर्डाच्या भागात घेतलेल्या वैद्यकीय शिबिरांची बनावट बिले जमा करण्यासाठी वैद्यकीय व्यावसायिकासह दोन जणांवर समर्थ पोलिसांनी गुन्हा दाखल केला आहे. या दोघांनी 32,000 रुपयांची बिले दिली आणि त्याचा फायदा घेतला.
पुणे जिल्हा परिषद (जि.प.) मिशन अंतर्गत येणाऱ्या कार्यक्रमांना निधी पुरवते. जि.प.च्या अधिऱ्यांनीही घटनेची चौकशी सुरू केली. पोलिसांनी भारतीय दंड संहितेच्या कलम 420 (फसवणूक) आणि 468 (बनावट) अंतर्गत गुन्हा नोंदविला. वरिष्ठ निरीक्षक बाळकृष्ण कदम यांच्या अध्यक्षतेखालील पथक या प्रकरणाचा तपास करत आहे.
पोलिसांनी दिलेल्या माहितीनुसार, वैद्यकीय व्यावसायीक व इतरांनी देहूरोड येथे वैद्यकीय शिबिराचे आयोजन केले. नंतर दोघांनी मांडववाला, औषध विक्रेते आणि इतरांकडून बिले घेतली. त्यांनी एकत्रितपणे 35,000 रुपयांची बिले गोळा केली. ही बिले राष्ट्रीय आरोग्य अभियानांतर्गत निधीची मागणी करण्यासाठी जिल्हा पंचायत समितीच्या हवेली पंचायत समितीच्या कार्यालयात जमा केली.
दरम्यान, यावर्षी जानेवारीत एका माहिती अधिकार कार्यकर्त्याने आरटीआय अर्जाचा वापर करून वैद्यकीय शिबिराचा तपशील मागविला आणि जि.प.ने त्याला उत्तर दिले. उत्तरात जि.प.ने असे सांगितले की, देहूरोड कॅन्टोन्मेंट भागात असे कोणतेही शिबिर झाले नाही.
एका वरिष्ठ पोलीस अधिकाऱ्याने दै.”प्रभात’ला सांगितले की, या प्रकरणाचा तपास योग्य दिशेने सुरू आहे. आम्ही तालुका वैद्यकीय अधिकाऱ्यांकडे चौकशी केली असून त्यांचा जबाब नोंदविला आहे. त्यांच्या जबाबानुसार आम्ही वस्तुस्थितीची पडताळणी करीत आहोत.
लवकरच पोलिसांचे एक पथक देहू रोडला भेट देईल आणि औषधी विक्रेता आणि वैद्यकीय शिबिरासाठी साहित्य पुरविणाऱ्या अन्य विक्रेत्यांकडे चौकशी करेल, ज्यांच्या बिलावर जि.प.ने प्रक्रिया केली होती.
लिपिक कर्मचाऱ्याकडून बिलांवर प्रक्रिया
या गुन्ह्यातील दुसरी व्यक्ती जिल्हा परिषद कार्यालयातील लिपिक कर्मचारी असून त्याने बिलांवर प्रक्रिया केली. बनावटपणा व फसवणुकीचा खरोखर कोणाला फायदा झाला याचा शोध घेण्याचा आमचा प्रयत्न आहे? ही बिले कशी बनविली गेली व त्यावर प्रक्रिया कशी केली गेली, याचा तपास करणार असल्याचे पोलीस अधिकारी म्हणाले.
