Indonesia – इंडोनेशियातल्या अनाक क्राकातू ज्वालामुखीचा रविवारी उद्रेक झाला. या ज्वालामुखीमधून बाहेर पडणारी राख संपूर्ण पश्‍चिम इंडोनेशियामध्ये पसरली असल्यामुळे जकार्ता सोएकार्नो-हात्ता आंतरराष्ट्रीय विमानतळावरील सर्व विमानांची उड्डाणे स्थगित करण्यात आली आहेत. मुळे प्रवाशांनी तिकीटांचे पैसे परत मागायला सुवात केली आहे.

इंडोनेशियाच्या सुंदा सामुद्रधुनीमध्ये, मुख्य जावा आणि सुमात्रा बेटांच्या दरम्यान असलेल्या ज्वालामुखी बेटावर शनिवारी हालचालींची चिन्हे दिसून आली. त्यानंतर पहाटे

४ वाजण्याच्या सुमारास अवघ्या ३० सेकंदांसाठी या ज्वालामुखीचा उद्रेक झाला, असे इंडोनेशियाच्या भूवैज्ञानिक संस्थेने म्हटले.
ज्वालामुखीमुळे कोणतीही जीवितहानी झाल्याचे वृत्त नाही आणि स्थलांतराचे आदेशही देण्यात आलेले नाही.

ज्वालामुखीच्या उद्रेकापासून सर्वात जवळची वस्ती १६ किलोमीटरपेक्षा जास्त अंतरावर आहे. त्यामुळे धोक्याची शक्यता कमी आहे. तरी देखील ज्वालामुखीपासून किमान ३ किलोमीटर लांब राहण्याची सूचना लोकांना करण्यात आली आहे.

राजधानी जकार्ता आणि सुमात्रा बेटाच्या दक्षिण टोकावरील लॅम्पुंग प्रांताच्या काही भागांमध्ये ज्वालामुखीची राख पसरली आहे. तप्त लाव्हामुळे निर्माण झालेले वाफेचे ढग २० ते ५० हजार फूट उंचावर असून आजूबाजूच्या प्रदेशात पसरले आहेत.