Energy Drink | School Children | Satyajit Tambe – कॅफिनचे अधिक प्रमाण असलेल्या एनर्जि ड्रिंक्सच्या शाळांच्या परिसरातील विक्रीला बंदी घालण्याचा आदेश लवकरच जारी केला जाईल असे राज्याचे अन्न व औषध प्रशासन मंत्री धर्मरावबाबा आत्राम यांनी शुक्रवारी राज्य विधान परिषदेत सांगितले.

ते म्हणाले की, ‘आपला विभाग शाळांच्या ५०० मीटरच्या परिघात उच्च कॅफिन असलेल्या एनर्जी ड्रिंक्सच्या विक्रीवर बंदी घालणारा आदेश जारी करेल. अपक्ष आमदार सत्यजीत तांबे यांनी उपस्थित केलेल्या प्रश्नाला उत्तर देताना त्यांनी हे आश्वासन दिले.

सध्याच्या नियमांनुसार, एक लिटर कार्बोनेटेड किंवा नॉन कार्बोनेटेड पेयांमध्ये १४५ मिली ते ३०० मिली दरम्यान कॅफिनचे प्रमाण असण्यास अनुमती आहे.

तथापि ज्या पेयांना बंदी असेल अशा पेयांची यादी तयार करून ती राज्यभरातील एफडीए अधिकाऱ्यांना जारी केली जाईल अशी माहितीही मंत्र्यांनी दिली.

एनर्जी ड्रिंक्स आरोग्यासाठी खूपच हानीकारक; वाचा छुपे धोके !

हृदयविकाराचा झटका : 

एनर्जी ड्रिंक्स सारख्या पेयांमध्ये भरपूर साखर आणि कॅफीन असते, जे काही काळ जागृत राहण्यास नक्कीच मदत करते, परंतु ते हृदयासाठी विषारी देखील ठरू शकते.

टॉरिन आणि गॅरन सारखे घटक हृदयाच्या कार्यामध्ये बिघाड करतात, ज्यामुळे हृदयाचे ठोके अनियमित होतात आणि त्यामुळे हृदयविकाराचा झटका येऊ शकतो.

मेयो क्लिनिकच्या एका संशोधनात 144 लोकांचा अभ्यास करण्यात आला ज्यांना हृदयविकाराचा झटका आला पण ते वाचले. यापैकी 7 लोकांनी, म्हणजे सुमारे 5%, हृदयविकाराच्या झटक्यापूर्वी एनर्जी ड्रिंक्स प्यायले होते.

मानसिक आजार : 

एनर्जी ड्रिंक्स केवळ हृदयासाठीच धोकादायक नसतात, तर त्यांचा मेंदूवरही परिणाम होतो. हे मद्यपान केल्याने तुम्हाला नैराश्य, चिंता आणि आत्महत्येचे विचार देखील येऊ शकतात.

कॅफिन सामग्री : 

एक कप कॉफीमध्ये सुमारे 100 मिलीग्राम कॅफिन असते, तर एनर्जी ड्रिंकमध्ये 80 ते 300 मिलीग्राम कॅफिन असते. काही पेयांमध्ये 390 मिलीग्राम कॅफिन असते, जे खूप जास्त असते.

एनर्जी ड्रिंकचा प्रभाव : 

त्यात असलेले कॅफिन आणि साखर तुम्हाला काही काळ उत्साही ठेऊ शकते, परंतु नंतर तुम्हाला थकवा आणि भूक लागण्यास सुरुवात होते. त्याचा तुमच्या मूडवरही परिणाम होतो.

काळजी घ्या !

एनर्जी ड्रिंक्स पिण्यापूर्वी या धोक्यांचा विचार करा. जर तुम्हाला हृदयाशी संबंधित कोणतीही समस्या असेल तर तुम्ही एनर्जी ड्रिंक्स पिणे पूर्णपणे टाळावे. जर तुम्हाला थकवा जाणवत असेल तर थोडा वेळ विश्रांती घ्या,

चांगली झोप घ्या आणि खाण्याच्या योग्य सवयींची काळजी घ्या. एनर्जी ड्रिंक्स नुसतेच हानिकारक नसून ते तुमच्या आरोग्यासाठी धोकादायक आहेत. त्यामुळे यापुढे एनर्जी ड्रिंक्स पिताना सावध रहा.

विक्रेत्यांचे होते दुर्लक्ष : 

एनर्जी ड्रिंक्सची किरण मालाच्या दुकानात मोठ्या प्रमाणात विक्री केली जाते. वस्तूता हे एनर्जी ड्रिंक्स १८ वर्षाखालील मुलांनी सेवन करू नये असे लिहिण्यात आलेले असते.

मात्र विक्रेते याकडे साफ दुर्लक्ष करून सरसकट वयातील मुलांना याची विक्री करतात. अनेक पालकांमध्ये देखील याबाबत जागरूकता नसल्याने आढळून आल्याने विक्रीचे प्रमाण अधिक आहे.

आमदार सत्यजीत तांबे नेमकं काय म्हणाले?

राज्यातील तरुणांचे प्रश्न सभागृहात कायम मांडणारे आमदार सत्यजीत तांबे यांनी सभागृहात लहान मुले आणि विद्यार्थ्यांच्या संदर्भातील महत्त्वाच्या विषय हाती घेऊन संपूर्ण सभागृहाचे लक्ष वेधले.

राज्यसरकारने ‘ड्रग्ज मुक्त महाराष्ट्र मोहीम’ हाती घेतली असताना किरणा माल आणि शाळा कॉलेजच्या आसपास असलेल्या दुकानात कमी किंमतीत उपलब्ध होणारे एनर्जी ड्रिक हे एखाद्या ड्रग्ज येवढेच घातक असल्याचे आमदार तांबे यांनी सभागृहाच्या निदर्शनास आणून दिले.

जाहिरातींचे अनुकरण करून तरुण वर्गात दिवसेंदिवस एनर्जी ड्रिंकच्या नावाखाली कॅफेनयुक्त थंड पेय सेवन करण्याचे प्रमाण वाढले आहे. या पेयामुळे आरोग्याला मोठा धोका निर्माण होत आहे.

शाळा परिसरात एनर्जी ड्रिंकची सहज विक्री असल्याने शाळेतील मुलांना सहज उपलब्ध होत आहे. राज्यामध्ये शाळा परिसरातील कॅफेनयुक्त थंड पेयांच्या विक्रीवर बंदी आणा, अशी मागणी आमदार सत्यजीत तांबे यांनी सभागृहात केली.