नवी दिल्ली – न्यूयॉर्कमधील न्यू जर्सी येथून दिल्लीला जाणारे एअर इंडियाचे विमान आपतकालीन कारणामुळे स्टॉकहोमला वळवण्यात आले. फ्लाइटच्या एका इंजिनमध्ये बिघाड निर्माण झाल्यानंतर स्टॉकहोम येथिक विमानतळावर आपत्कालीन लँडिंग करण्यात आले. बुधवारी सकाळी ही घटना घडली. या विमानात एकूण 300 प्रवासी होते.

बोइंग 777-300ER फ्लाइटच्या एका इंजिनमध्ये तेल गळती सुरु झाली होती. त्यामुळे इमर्जन्सी लँडिंग करावे लागले. तेल गळतीमुळे इंजिन बंद झाले आणि विमान नंतर स्टॉकहोममध्ये सुरक्षितपणे उतरले गेले अशी प्राथमिक माहिती समोर आली आहे.इंजिनमधील त्रुटी लक्षात येताच विमानाचे आपतकालीन लँडिंग करावे लागले. विमानातील सर्व प्रवासी सुरक्षित आहेत.

Air India Newark (US)-Delhi flight (AI106) with nearly 300 passengers made an emergency landing at Sweden’s Stockholm airport after it developed a technical snag. All passengers safe. A large no.of fire engines were deployed at the airport as the flight made an emergency landing pic.twitter.com/Rdwfg9VOgx

— ANI (@ANI) February 22, 2023

सोमवारी देखील घडला होता असाच प्रकार
सोमवारी वैद्यकीय आपत्कालीन परिस्थितीमुळे न्यूयॉर्कहून दिल्लीला जाणारे एअर इंडियाचे विमान लंडनला वळवण्यात आले.एअर इंडियाच्या अधिकाऱ्याने सांगितले की, फ्लाइटमध्ये वैद्यकीय आणीबाणीमुळे न्यूयॉर्कहून नवी दिल्लीला जाणारे विमान लंडनकडे वळवण्यात आले होते.