Election Results 2026: देशातील राजकीय भविष्याच्या दृष्टीने अत्यंत महत्त्वाच्या मानल्या जाणाऱ्या पश्चिम बंगालसह, तामिळनाडू, आसाम, केरळ आणि पुद्दुचेरी या 5 राज्यांच्या विधानसभा निवडणुकांचे निकाल, पुढील काही तासांत जाहीर होणार आहेत. दरम्यान , पश्चिम बंगालमध्ये मतमोजणीला सुरुवात झाली आहे. याठिकाणी सुरुवातीला पोस्टल मतांची मोजणी होणार आहे. पश्चिम बंगालमध्ये मतमोजणीला सुरुवात झाली असून पोस्टल मतांची मोजणी प्रथम होत आहे. दरम्यान , बंगालचामतमोजणीचा पहिला कल हाती आला आहे. या पहिल्या कलांमध्ये तृणमूल काँग्रेसने भाजपला मागे टाकले आहे. तृणमूलने पहिल्या कलांमध्ये 15 जागांवर आघाडी मिळवली आहे. तर भाजप 10 जागांवर आघाडीवर आहे. Election Results 2026: पश्चिम बंगालमध्ये निवडणुकीच्या निकालावर देशाचं लक्ष लागलं आहे. सलग तीन वेळा सत्तेत असलेल्या ममता बॅनर्जींचीच्या हाती पुन्हा सत्ता येणार की सत्तापालट होणार याकडे लक्ष लागलं आहे. दुसरीकडे, निवडणूक निकालापूर्वी मुंबईत सट्टा बाजार तेजीत आला आहे. पश्चिम बंगालमध्ये सत्तांतर अटळ असा सट्टेबाजाराचा कल आहे. तामिळनाडूत द्रमुक, आसाममध्ये भाजपला सट्टेबाजाराचा कौल आहे. बंगालमध्ये यंदा एकूण दोन टप्प्यात (23 आणि 29 एप्रिल) मतदान पार पडले. मतदानाची एकूण टक्केवारी तब्बल 92 टक्केच्या आसपास राहिली आहे. बंगाल विधानसभेच्या एकूण 294 जागा असून बहुमतासाठी 148 हा जादूई आकडा गाठणे आवश्यक आहे. यंदा भवानीपूरमधून ममता बॅनर्जी, नंदीग्राम आणि फाल्टा (अभिषेक बॅनर्जी यांचा मतदारसंघ) या जागांवर संपूर्ण देशाचे लक्ष आहे. तसेच सुवेंदु अधिकारी यांच्या प्रभावाखालील मेदिनीपूर पट्ट्यातील जागाही महत्त्वाच्या आहेत. Election Results 2026:
