Vidhan Parishad : विधान परिषदेच्या उपसभापती पदासाठी निवडणूक जाहीर; शिंदेंचे धक्कातंत्र? ‘या’ नावांची चर्चा
Vidhan Parishad
Vidhan Parishad : विधान परिषदेचे सभापती राम शिंदे यांनी उपसभापतीपदासाठी निवडणूक कार्यक्रम जाहीर केला आहे. जाहीर करण्यात आलेल्या कार्यक्रमानुसार, 30 जून रोजी दुपारी 12 वाजेपर्यंत इच्छुकांना नामनिर्देशन अर्ज दाखल करता येणार आहेत.
त्यानंतर दुपारी 1 वाजता अर्जांची छाननी होईल. आवश्यक असल्यास माघारीनंतर 1 जुलै रोजी मतदान होणार आहे. बिनविरोध निवड झाल्यास त्याच दिवशी उपसभापतीची घोषणा होण्याची शक्यता आहे. (Vidhan Parishad )
विधान परिषदेत भाजपची सदस्यसंख्या सर्वाधिक आहे. मात्र तरीही महायुतीतील सत्तावाटपाच्या सूत्रानुसार उपसभापतीपद पुन्हा एकदा एकनाथ शिंदे यांच्या शिवसेनेकडेच जाण्याची शक्यता आहे. (Vidhan Parishad)
Vidhan Parishad : विधान परिषदेच्या उपसभापती पदासाठी निवडणूक जाहीर; शिंदेंचे धक्कातंत्र? ‘या’ नावांची चर्चा
नीलम गोऱ्हे यांचे नाव आघाडीवर (Vidhan Parishad)
माजी उपसभापती नीलम गोऱ्हे यांचा कार्यकाळ संपल्यानंतर हे पद रिक्त झाले होते. नुकत्याच झालेल्या विधान परिषद निवडणुकीत त्या शिवसेना शिंदे गटाकडून बिनविरोध निवडून आल्या आहेत. त्यामुळे पुन्हा एकदा त्यांच्याच गळ्यात उपसभापतीपदाची माळ पडण्याची शक्यता व्यक्त केली जात आहे. मात्र शिंदे नव्या चेहऱ्याला संधी देण्याची शक्यता असल्याची माहितीही समोर येत आहे. (Vidhan Parishad)
पक्षांतर्गत चर्चेत कृपाल तुमाने, चंद्रकांत रघुवंशी आणि मनीषा कायंदे यांचीही नावे पुढे आली आहेत. उपमुख्यमंत्री एकनाथ शिंदे उपसभापतीपदासाठीही शेवटच्या क्षणी नवा चेहरा पुढे करून राजकीय समीकरणे बदलण्याची शक्यता व्यक्त केली जात आहे.
हेही वाचा:
