Shiv Sena News : युक्तिवाद संपताच एकनाथ शिंदेंचं टेन्शन वाढलं; पुढील सुनावणीकडे सर्वांचे लक्ष
Shiv Sena News : महाराष्ट्रातील सत्तासंघर्षाशी संबंधित शिवसेना पक्ष आणि 'धनुष्यबाण' निवडणूक चिन्हाच्या वादावर सर्वोच्च न्यायालयात आज पुन्हा महत्त्वपूर्ण सुनावणी पार पडली.

Shiv Sena News : शिवसेना पक्ष आणि धनुष्यबाण निवडणूक चिन्हाच्या वादावर सर्वोच्च न्यायालयात आज पुन्हा सुनावणी पार पडली. यावेळी एकनाथ शिंदे यांच्या शिवसेनेच्या वतीने ज्येष्ठ वकील ॲड. ध्रुव मेहता यांनी सलग तीन सुनावण्यांमध्ये युक्तिवाद केल्यानंतर आज आपली बाजू पूर्ण केली. (Shiv Sena News0
मात्र, त्यानंतर ठाकरे गटाचे वकील कपिल सिब्बल यांनी पुन्हा युक्तिवाद करण्यासाठी वेळ देण्याची मागणी केल्याने या प्रकरणातील पुढील सुनावणीकडे सर्वांचे लक्ष लागले आहे. (Shiv Sena News)
शिंदे गटाकडून कर्नाटकातील सत्तांतराचा दाखला
सुनावणीदरम्यान ॲड. ध्रुव मेहता यांनी २०१९ मध्ये कर्नाटकात घडलेल्या सत्तांतराचा दाखला दिला. या प्रकरणात दहाव्या अनुसूचीनुसार कारवाई करता येणार नाही, तसेच शिंदे गटातील कोणत्याही पदाधिकाऱ्यांनी राजीनामा दिलेला नाही, असा युक्तिवाद त्यांनी केला. (Shiv Sena News0
यावेळी भाजप आणि शिवसेना यांच्यातील युतीचाही संदर्भ देण्यात आला. निवडणुकीपूर्वी दोन्ही पक्षांची युती होती. मात्र, निवडणुकीनंतर सत्ता स्थापनेच्या मुद्द्यावरून ही युती तुटली आणि त्यामुळे काही पदाधिकारी नाराज झाले होते, असे मेहता यांनी न्यायालयात मांडले. (Shiv Sena News)
उद्धव ठाकरेंच्या राजीनाम्याचा मुद्दा उपस्थित
उद्धव ठाकरे यांच्या नेतृत्वाखाली शिवसेनेचे सरकार सत्तेत होते. मात्र, त्यांनी मुख्यमंत्रिपदाचा राजीनामा दिल्यानंतर सरकार वाचवण्यासाठी एकनाथ शिंदे यांनी मुख्यमंत्रिपदाची शपथ घेतली, असा युक्तिवाद मेहता यांनी केला. त्यामुळे सरकार कोसळले नव्हते, असा दावाही त्यांनी न्यायालयासमोर मांडला. (Shiv Sena News)
कपिल सिब्बल यांची ‘रिजॉइंडर’ची मागणी
शिंदे गटाचा युक्तिवाद पूर्ण झाल्यानंतर ठाकरे गटाचे वकील कपिल सिब्बल यांनी न्यायालयात पुन्हा बाजू मांडण्याची संधी मागितली. आपल्याला ‘रिजॉइंडर’ सादर करायचा असून त्यासाठी काही वेळ द्यावा, अशी विनंती त्यांनी केली. (Shiv Sena News)
त्यामुळे आता कपिल सिब्बल आपल्या पुढील युक्तिवादात कोणते मुद्दे उपस्थित करतात, याकडे राजकीय आणि कायदेशीर वर्तुळाचे लक्ष लागले आहे. (Shiv Sena News)
शिंदे गटाचे वकील ध्रुव मेहता यांनी सलग तीन सुनावण्यांमध्ये आपली बाजू मांडल्यानंतर युक्तिवाद पूर्ण केला आहे. आता ठाकरे गटाकडून होणाऱ्या प्रत्युत्तरात्मक युक्तिवादानंतर या प्रकरणाला कोणते वळण मिळते, हे पाहणे महत्त्वाचे ठरणार आहे. (Shiv Sena News)





