Shiv Sena Symbol : धनुष्यबाण कुणाचा? शिंदे गटाचा सर्वोच्च न्यायालयात जोरदार युक्तिवाद; सुनील प्रभूंच्या व्हीपवरच उपस्थित केले प्रश्न
Shiv Sena Symbol : महाराष्ट्रातील सत्तासंघर्षाशी संबंधित शिवसेना पक्ष आणि 'धनुष्यबाण' निवडणूक चिन्हाच्या वादावर सर्वोच्च न्यायालयात नियमित सुनावणी सुरू आहे.

Shiv Sena Symbol : महाराष्ट्रातील सत्तासंघर्षाशी संबंधित शिवसेना पक्ष आणि धनुष्यबाण निवडणूक चिन्हाच्या वादावर सर्वोच्च न्यायालयात सुनावणी सुरू आहे. या सुनावणीदरम्यान एकनाथ शिंदे यांच्या शिवसेनेच्या वतीने ज्येष्ठ वकील ॲड. ध्रुव मेहता यांनी ठाकरे गटाच्या दाव्यांवर प्रश्न उपस्थित केले. सुनील प्रभू यांनी जारी केलेल्या व्हीपमध्ये स्पष्टता नव्हती आणि बैठकीचा ठोस अजेंडाही नमूद नव्हता, असा युक्तिवाद त्यांनी न्यायालयात केला. (Shiv Sena Symbol)
व्हीपमध्ये बैठकीचा अजेंडा स्पष्ट नव्हता?
सुनावणीदरम्यान ॲड. ध्रुव मेहता यांनी २१ जून रोजी सुनील प्रभू यांनी बोलावलेल्या आमदारांच्या बैठकीचा मुद्दा उपस्थित केला. या बैठकीसंदर्भात जारी करण्यात आलेल्या व्हीपमध्ये केवळ उपस्थित राहण्याचे आवाहन करण्यात आले होते. मात्र, बैठकीचा विशिष्ट अजेंडा किंवा स्पष्ट निर्देश देण्यात आले नव्हते, असा दावा मेहता यांनी केला. (Shiv Sena Symbol)
ठाकरे गटाने सादर केलेला व्हॉट्सॲप संदेशाचा स्क्रीनशॉट हाच या संदर्भातील एकमेव पुरावा असल्याचेही त्यांनी न्यायालयाच्या निदर्शनास आणून दिले. (Shiv Sena Symbol)
बैठक सुरू झाल्यानंतर व्हॉट्सॲप संदेश?
बैठकीच्या वेळेबाबतही शिंदे गटाच्या वकिलांनी प्रश्न उपस्थित केला. बैठक दुपारी १२ वाजून ३० मिनिटांनी आयोजित करण्यात आली होती. मात्र, एकनाथ शिंदे आणि इतर आमदारांना बैठकीचा व्हॉट्सॲप संदेश १२ वाजून ३१ मिनिटांनी मिळाल्याचा युक्तिवाद मेहता यांनी केला. म्हणजेच बैठक सुरू होण्याची वेळ उलटल्यानंतर संदेश पाठवण्यात आल्याचा दावा त्यांनी केला. (Shiv Sena Symbol)
काही आमदारांच्या स्वाक्षऱ्यांचा मुद्दाही उपस्थित
योगेश कदम, उदय सामंत, दीपक केसरकर, दादा भुसे आणि लांडे या आमदारांनी बैठकीनंतर काही कागदपत्रांवर स्वाक्षऱ्या केल्या होत्या. असे असतानाही त्यांच्याविरोधात अपात्रतेच्या याचिका दाखल करण्यात आल्याचा मुद्दा मेहता यांनी मांडला. (Shiv Sena Symbol)
केवळ बैठकीला उपस्थित न राहणे आणि पक्षविरोधी कृती करणे या वेगवेगळ्या बाबी आहेत. त्यामुळे मतदान न करणे किंवा बैठकीला गैरहजर राहणे यावरून थेट अपात्रतेचा निष्कर्ष काढता येणार नाही, असा युक्तिवाद शिंदे गटाच्या वकिलांनी केला. (Shiv Sena Symbol)
पक्षांतर्गत लोकशाहीचाही संदर्भ
यावेळी लोकप्रतिनिधित्व कायदा, १९५१ मधील कलम २९अ(५) चा संदर्भ देत पक्षांतर्गत लोकशाही आणि नियमित निवडणुकांचे महत्त्व अधोरेखित करण्यात आले. पक्षाच्या अंतर्गत कारभारात लोकशाही प्रक्रिया आणि नियमांचे पालन आवश्यक असल्याचे मेहता यांनी न्यायालयासमोर मांडले. दरम्यान, आजची सुनावणी पूर्ण झाली असून या प्रकरणाची पुढील सुनावणी बुधवारी दुपारी २ वाजता होणार असल्याचे सांगण्यात आले आहे. (Shiv Sena Symbol)
व्हीपमधील कथित त्रुटी, बैठकीचा अस्पष्ट अजेंडा आणि व्हॉट्सॲप संदेश पाठवण्याच्या वेळेवरून शिंदे गटाने ठाकरे गटाच्या दाव्यांना आव्हान दिले आहे. त्यामुळे शिवसेना पक्ष आणि धनुष्यबाण चिन्हाच्या वादातील पुढील सुनावणीकडे राज्यातील राजकीय वर्तुळाचे लक्ष लागले आहे. (Shiv Sena Symbol)





