Maharashtra Assembly Election 2024 | Eknath Shinde – कोकणभूमी फार पवित्र आहे. कोकण आणि शिवसेनेला कोणी वेगळे करू शकत नाही, बाहेरून काटेरी पण आतून गोड अशी कोकणातली माणसं आहेत. विरोधकांचा करेक्ट कार्यक्रम आम्ही करू. हे सरकार देणारे आहे, घेणार नाही. आमची नियत साफ आहे. आम्ही धमक्यांना घाबरत नाही, तुम्ही एकनाथ शिंदेला हलक्यात घेतले. त्यामुळे टांगा पलटी घोडे पसार, असा टोला मुख्यमंत्री एकनाथ शिंदे यांनी लगाविला. रत्नागिरीमध्ये प्रचारसभेत ते बोलत होते. एकनाथ शिंदे म्हणाले, दापोलीमध्ये विकासाची गंगा आणायची आहे. साडेतीन हजार कोटी रुपयांची विकासकामे आपल्या सरकारने केली आहेत. यापूर्वीचे मुख्यमंत्री भेटतच नव्हते, तर निधी मिळणार कुठून? फटाके एवढे वाजवा की त्याचा आवाज बांद्रापर्यंत पोहोचायला पाहिजे. उद्धव ठाकरे मला म्हणालेत दहा दिवस थांबा की तुम्हाला पण जेलमध्ये टाकतो. लाडकी बहीण आणली म्हणून हा राग आहे का? सावत्र भावांना तुम्ही निवडणुकीत जोडा दाखवा, महाविकास आघाडीच्या पायाखालची वाळू सरकली आहे, असा टोला त्यांनी यावेळी लगावला.
