Maharashtra Politics : उपमुख्यमंत्री एकनाथ शिंदे पुन्हा मुख्यमंत्री व्हावेत आणि देवेंद्र फडणवीस यांनी केंद्रात मोठी जबाबदारी स्वीकारावी, असे विधान शिवसेनेचे नवनिर्वाचित आमदार बच्चू कडू यांनी केल्यानंतर राज्याच्या राजकीय वर्तुळात नव्या चर्चांना सुरुवात झाली आहे. या वक्तव्यावर भाजप आणि शिवसेनेतील नेत्यांनीही प्रतिक्रिया दिल्या आहेत. (Maharashtra Politics)

बच्चू कडू यांनी म्हटले की, राज्याचा मुख्यमंत्री आपल्या पक्षाचा असावा, अशी भावना प्रत्येक शिवसैनिकाची असू शकते. तसेच देवेंद्र फडणवीस यांना राष्ट्रीय स्तरावर मोठी संधी मिळावी आणि एकनाथ शिंदे यांनी पुन्हा राज्याचे नेतृत्व करावे, अशी अपेक्षा त्यांनी व्यक्त केली. (Maharashtra Politics)

या विधानावर प्रतिक्रिया देताना महसूलमंत्री चंद्रशेखर बावनकुळे यांनी स्पष्ट शब्दांत भूमिका मांडली. महायुतीला जनतेने स्पष्ट बहुमत दिले असून सरकार अत्यंत मजबूत असल्याचे त्यांनी सांगितले. देवेंद्र फडणवीस दिल्लीला जाणार की नाही, याचा निर्णय घेण्याचा अधिकार कोणालाही नसल्याचे त्यांनी नमूद केले. (Maharashtra Politics)

बावनकुळे म्हणाले की, देवेंद्र फडणवीस यांचे ध्येय विकसित महाराष्ट्र घडवणे असून राज्याला देशातील अग्रगण्य राज्य बनवण्याचा त्यांचा संकल्प आहे. त्यामुळे त्यांनी दिल्लीला जावे, अशा चर्चांना फारसे महत्त्व देऊ नये. तसेच मुख्यमंत्रीपदासारख्या संवेदनशील विषयांवर सार्वजनिकपणे भूमिका मांडण्यापूर्वी संबंधित पक्ष नेतृत्वाशी चर्चा व्हायला हवी, असेही त्यांनी सांगितले. (Maharashtra Politics)

 

दरम्यान, शिवसेना नेते उदय सामंत यांनी बच्चू कडू यांच्या विधानाला पाठिंबा देत प्रतिक्रिया दिली. “जशी भाजप कार्यकर्त्यांची इच्छा देवेंद्र फडणवीस मुख्यमंत्री व्हावेत अशी असते, तशीच आमची इच्छा एकनाथ शिंदे मुख्यमंत्री व्हावेत ही आहे,” असे सामंत म्हणाले. मात्र ही वैयक्तिक भूमिका असून महायुतीतील निर्णय सामूहिक पद्धतीनेच घेतले जातील, असेही त्यांनी स्पष्ट केले. (Maharashtra Politics)

दरम्यान, उपमुख्यमंत्री एकनाथ शिंदे हे शिवसेनेच्या राष्ट्रीय कार्यकारिणी बैठकीसाठी दिल्लीला रवाना झाले आहेत. त्यांच्या दिल्ली दौऱ्यामुळेही राजकीय चर्चांना आणखी वेग आला आहे. (Maharashtra Politics)

महायुती सरकारमध्ये सध्या कोणताही मतभेद नसल्याचे भाजपकडून स्पष्ट करण्यात येत असले तरी मुख्यमंत्रीपदाबाबतच्या वक्तव्यांमुळे राजकीय वर्तुळात विविध तर्कवितर्कांना उधाण आले आहे. (Maharashtra Politics)